Cite

The Story of a National Crime in Inuktitut

After writing reports on the health conditions of Indigenous children in residential schools from 1904 to 1914 and seeing these reports be ignored by his superiors, Dr. Peter Henderson Bryce self-published this pamphlet in 1922. In it, he explains the context for his reports and their reception by the government, as well as the findings and statistics found in the original reports.

On this page you will find an Inuktitut translation of the text as written by Dr. Bryce.

ᐅᓂᑲᖅᑐᐊᑦ ᑲᓇᑕᒻᒥ ᐱᕋᔭᖕᓂᖅ  

BEING A

ᑎᑎᕋᖅᓯᒪᔭᖓ ᑎᒥᖓᓐᓂ ᖃᓄᐃᑑᓂᖏᑦ ᐅᓇᓖᑦ ᑲᓇᑕᒥ ᐅᑭᐅ ᐃᓗᐊᓐᓂ 1904 ᑎᑭᓪᓗᒍ 1921

-ᑎᑎᕋᖅᑕᖓ-

DR. P. H. BRYCE, M. A., M. O.

ᑐᖁᖓᔪᓕᕆᔨᒻᒪᕆᒃ ᑲᓇᑕᐅᑉ ᐃᓄᓕᕆᔨᖏᓐᓂ 

I. ᐱᖁᔨᓯᒪᑉᓗᑎᒃ ᑲᑎᒪᔨᕐᔪᐃᑦ ᐅᕙᓐᓂ ᒡᔭᓄᐊᕆ 22, 1904 ᑎᑎᕋᖅᑐᖅ ᑎᑯᐊᖅᑕᐅᓯᒪᕗᖅ ᑐᖁᖓᔪᓕᕆᔨᐅᓂᐊᕐᓗᓐᓂ ᑲᓇᑕᐅᑉ ᒐᕙᒪᖏᓐᓂ ᐅᒃᐱᕆᔭᐅᓗᓂᓗ ᐊᓐᓂᐊᕐᓇᖏᑐᓕᕆᓂᕐᒥ ᐱᓕᕆᐊᖃᕐᓂᐊᕐᓗᓐᓂ ᐅᓇᓕᕐᓂ ᑲᓇᑕᒻᒥ. ᑲᓇᑕᐅ ᑲᑎᒪᔨᐅᕐᔪᐊᖏᑦ ᐅᑯᓂᖓ ᐱᖁᔨᓯᒪᕗᑦ: 

“Tᐊᑎᓕᐅᖅᓯᒪᔪᖅ ᓴᒡᓗᖏᒻᒪᕆᒃᓗᓐᓂ ᑐᓴᖅᑎᑦᓯᔪᒪᕗᖅ ᑐᐊᕕᖅᑐᒻᒥᒃ ᑐᖁᖓᔪᓕᕆᔨᑕᖃᕆᐊᖃᕐᓂᖓᓐᓂᒃ ᑲᓇᑕᐅᑉ ᒐᕙᒪᖏᑕ ᐊᓪᓚᓕᕆᔨᖏᓐᓂ. ᑕᒻᓇ ᐅᒃᐱᕈᓱᒃᐳ ᐊᔪᖏᓂᖏᑦ ᐱᑕᖃᑎᐊᕐᒪᑕ ᐲᑕ ᕼᐃᓐᑕᓴᓐ ᐳᕋᐃᔅ Peter Henderson Bryce, M. D. ᒪᓐᓇᐅᔪᖅ ᐅᑭᐅᓐᓂᓗ ᐱᐊᓂᒃᓯᒪᔪᓐᓂ ᐊᓐᓂᐊᖃᓇᖏᑐᓕᕆᔨᖏᓐᓂ ᐊᓐᑎᐊᕆᐅ ᐊᖏᔪᒥᒃᓗ ᖃᐅᔨᒪᓂᖃᑎᐊᕐᓗᓐᓂ ᐊᓐᓂᐊᖃᓇᖏᑐᓕᕆᓂᕐᒥᒃ ᐊᓐᑎᐊᕆᐅᒻᒥ.”  

(Signed)

CLIFFORD SIFTON,  .

ᒥᓂᔅᑕᖓᑦ ᑎᑎᖃᕐᕕᖕᒥᐅᑦ ᐊᒻᒪ ᐃᓱᒪᑕᒪᕆᖓ ᑲᓇᑕᐅᑉ ᒐᕙᒪᖏᓐᓂ.

ᑕᕿᑦ ᐊᑐᕆᐊᕐᓂᖓᓐᓂ ᑎᑎᕋᖅᑐᖅ ᑎᑯᐊᒐᐅᓯᒪᓕᕐᓗᓐᓂ ᐊᓐᐊᕐᑐᓐᓂᒃ ᖃᐅᔨᓴᕆᐊᖃᓚᐅᕐᒪᑦ ᐊᒥᕐᔪᐊᕐᓂᑦ; ᑭᓯᐊᓐᓂ ᑲᑎᖅᓱᐃᒋᐊᓕᓚᐅᕐᒪᑦ ᐊᓐᓂᐊᕐᓂᕐᐅᔪᓐᓂᒃ ᐅᓇᓪᓕᓂ ᑲᓇᑕᓗᒃᑖᒥᓯᐅᖅᑐᓐᓂᒃ. ᐅᑭᐅᑕᒪᑦ ᑎᑭᓪᓗᒍ 1914 ᐊᕋᒍᑕᒪᖅᓯᐅᑎᓐᓂᒃ ᑎᑎᕋᖅᑕᓕᓚᐅᖅᐳᖅ ᐊᓐᓇᓪᓕᑦ ᐊᓐᓂᐊᕐᓂᖏᓐᓂᒃ ᐊᒻᒪ ᒪᓕᒐᒃᓴᓂᒃ 1907 ᐊᑐᖅᑎᓪᓗᒍ ᑐᓂᓯᑉᓗᓐᓂ ᐅᓇᓪᓕᑦ ᐃᓕᓐᓂᐊᕐᕕᖏᓐᓄᑦ 35ᖑᔪᓐᓄᑦ ᐱᖓᓱᓐᓂ ᐊᕕᒃᓯᒪᔪᓐᓂ. ᑕᒻᓇ ᐅᓂᑉᑲᖅ ᐊᒥᓱᖑᖅᑎᑕᐅᓚᐅᕐᒪᑦ ᐊᑕᐅᓯᐅᑉᓗᓐᓂ ᑭᓯᐊᓐᓂ ᐊᑐᖁᔭᐅᔪᑦ ᐊᒥᓱᖑᖅᑎᑕᐅᓚᐅᖏᒪᑕ ᐃᓄᐃᑦ ᖃᐅᔨᒪᓚᐅᖏᑐᑦ. ᑕᑭᓗᐊᖏᑐᒻᒥᒃ ᑭᓯᐊᓐᓂ ᑎᑎᕋᖅᓯᒪᔪᖅᑕᓕᒃ ᖃᓄᐃᓂᖏᓐᓂᒃ ᐃᓕᓐᓂᐊᕐᕕᖕᓂ ᐊᒻᒪ ᐊᕕᒃᓯᒪᔪᓐᓂ ᐃᓕᓐᓂᐊᖅᑐᓐᓂ, ᐃᓗᐊᓐᓂ 15 ᐅᑭᐅᑦ ᐅᑯᐃᖅᓯᒪᓂᖏᓐᓂ. ᐃᓕᓐᓂᐊᖅᑐᑦ ᐊᓐᓂᐊᕐᓂᖏᓐᓂ ᐅᓂᑉᑲᖅ 24 ᐳᓴᓐ ᑭᓯᐊᓐᓂ ᐃᓄᔪᖕᓇᐃᖅᓯᒪᓕᓚᐅᖅᐳᑦ ᐃᓚᖓᑦ ᐅᓇᓪᓕ ᓄᓇᖓᑦ File Hills ᐅᓇᓕᖃᕐᕕᒃ ᐅᑉᓗᒥᐅᔪᒻᒧᑦ, 75 ᐳᓴᓐ ᐅᑭᐅᒻᒥ 16 ᐊᕋᒍᑦ ᐅᑯᐃᖅᓯᒪᓕᓚᐅᕐᒪᑦ, 75 ᐳᓴᓐ ᐃᓄᔪᖕᓇᐃᖅᓯᒪᔪᑦ 16ᓂᒃ ᐅᑭᐅᖃᖅᑐᑦ .

ᐊᑐᖁᔭᐅᔪᑦ ᐃᑲᔪᖅᑐᒐᐅᓚᐅᕐᒪᑕ ᐊᑕᐅᓯᖅ ᐃᓕᓂᐊᕐᕕᐅᑉ ᐃᒡᓗᖁᑎᖓ ᑭᓯᐊᓐᓂ 30 ᐳᓇᓐᓂ ᐃᓕᓂᐊᓚᐅᕐᒪᑕ; (2) ᐃᓕᓂᐊᕕᐅᑉ ᑲᑎᒪᔨᖏ ᓂᕐᔪᑕᐅᓯᕕᖕᒥ ᐅᓇᓪᓕᑦ ᐃᓕᓂᐊᖅᑐᑦ ᐅᕙᒍᖏᓐᓂ; (3) ᒐᕙᒪᑯᑦ ᐊᕿᒃᓱᐃᓯᒪᓗᑎᒃ ᒥᐊᓂᖅᓯᓗᑎᒃᓗ ᐃᓕᓐᓂᐊᕐᕕᖕᓂᒃ, ᐊᖏᕈᑎᖓᓐᓂ ᐅᓇᓪᓕᑦ ᑎᑎᕋᖅᓯᒪᖕᒪᑦ; ᐊᒻᒪ ᐅᓇᓪᓕᑦ ᐊᔪᕈᖕᓇᐃᖅᐸᓕᐊᑎᓪᓗᒋᑦ ᐃᓱᒪᑐᓕᕐᓗᑎᒃᓗ ᐃᓚᖏᓐᓂ ᐊᑭᓕᓗᑎᒃ ᐊᐅᓚᑕᐅᓂᖓᓐᓄᑦ ᓇᖕᒥᓂᖅ ᑭᓇᐅᔭᒥᖕᓂᒃ ᐊᑐᕐᓗᑎᒃ; (4)  ᐃᓕᓂᐊᕈᑎᖏᑦ ᐊᕕᒃᓯᒪᓂᐅᔪᑉ ᐊᑐᖅᐸᒃᑕᖏᓐᓂᒃ ᐊᑐᕐᓗᑎᒃ ᖃᖓᑐᐃᓐᓇᖅ ᓄᓇᓕᖕᒥᐅᑕᖑᕈᒪᕐᒪᑕ ᑎᐊᓐᓇᑐᑦ ᐃᓄᓯᖃᕐᓂᐊᕐᒪᑕ ᑲᓇᑕᒻᒥ ᓄᓇᓕᖕᒥᐅᑕᑎᑐᑦ; (5) ᐅᑭᐅᑦ ᐱᐊᓂᒃᑐᑦ ᐃᓕᓐᓂᐊᒃᕕᑦ ᐊᒪ ᑐᒃᓯᐊᕐᕕᑦ ᐱᓕᕆᖃᑎᒋᒪᐅᕐᒪᑕ, ᐅᓂᑉᑲᖅ ᐱᖁᔨᔪᖅ ᒐᕙᒪᑯᑦ ᒥᐊᓂᖅᓯᓕᕐᓗᑎᒃ ᐃᓕᓐᓂᐊᕐᕕᖕᓂᒃ ᐊᒻᒪ ᑲᑎᒪᔨᑕᖃᓕᕐᓗᓐᓂ ᑎᑯᐊᒐᐅᓯᒪᔪᓐᓂᒃ ᑐᒃᓯᐊᕐᕕᖕᓄᑦ; (5) ᑕᑉᑯᐊ ᑲᑎᒪᔨᑦ ᐊᖏᑕᐅᓯᒪᓗᑎᒃ ᑲᓇᑕᐅᑉ ᒐᕙᒪᖏᓐᓄᑦ ᑲᑎᒪᑕᕐᓗᑎᒃᓗ ᑎᑎᕋᖅᑎᖃᕐᓗᑎᒃ ᐃᓱᒪᓕᐅᖅᑎᐅᑕᓗᑎᒃ ᐃᓕᓐᓂᐊᑎᑎᔨᑦ ᓱᓇᓂᒃ ᐃᓕᓂᐊᑎᑎᔭᕆᐊᖃᕐᓂᖏᓐᓂᒃ ᐊᒪ ᒥᐊᓂᖅᓯᓗᑎᒃ ᐃᓕᓐᓂᐊᕐᑯᖕᓂᒃ  (6) ᐃᓂᐊᕐᕕᑦ ᓂᕐᔪᑕᐅᓯᕕᑦ ᓄᓇᖁᑎᖏᓐᓂᓯᐅᕐᓗᑎᒃ ᐊᒻ ᐃᓕᓂᐊᕈᑎᑦ ᐊᔨᒋᓗᓂᑎᒋᒃ File Hills ᓂᕐᔪᑕᐅᓯᕕᖏᓐᓂ ᐊᕿᒃᑕᐅᓯᒪᓗᑎᒃ; (7) ᐊᓐᓂᐊᖅᑕᐃᓕᓂᖏᑦ ᓄᑕᖃᑦ ᒥᐊᓂᕆᔭᐅᓗᑎᒃ ᖃᐅᔨᓴᒐᐅᑕᕐᓗᑎᒃ ᐊᒻᒪ ᐃᔅᖢᐊᖅᓴᐃᔨᑦ ᐊᑐᐃᓐᓇᐅᓗᑎᒃ ᐃᓗᓂᐊᕐᕕᑦ ᓯᓚᖃᑎᐊᕐᓗᑎᒃ ᐳᕙᓪᓗᖕᓂᒃ ᐱᒋᐊᖅᑕᐃᓕᑎᑕᐅᓗᓐᓂ.

II. ᐅᑭᐅᑕᒪᑦ ᐊᓐᓂᐊᑕᐃᓕᓂᕐᒧᑦ ᐅᓂᑉᑲᖅᓯᒪᔪᑦ ᓇᒻᒪᖏᑐᓐᓂᒃ ᐊᓐᓂᐊᖅᑕᐃᓕᓂᖏᓐᓂᒃ ᐃᓕᓐᓂᐊᖅᑐᑦ, ᑭᓯᐊᓐᓂ ᐊᓯᖏᑦ ᐃᔅᖢᐊᖅᓴᐃᔨᑦ ᐊᖏᓂᖅᓴᒻᒥᒃ ᐱᓕᕆᓯᒪᖕᒪᑕ ᑐᑭᓯᑲᓂᕈᑎᖏᓐᓂᒃ ᖃᐅᔨᒪᓂᖏᓐᓄᑦ ᐅᑭᐅᑕᒪᑦ, ᑕᐃᒪ, ᐊᑕᐅᓯᖅ ᐅᓂᑉᑲᖅ ᒥᓂᔅᑕᐅᔪᖅ ᐱᖁᔨᑉᓗᓐᓂ ᑎᑎᕋᖅᑐᒥᒃ 1909ᒥ ᖃᐅᔨᓴᕐᓗᓐᓂ ᐃᓕᓐᓂᐊᖅᑐᑦ ᑭᐅᒍᕆᒻᒥ ᑎᑎᖃᓐᓂ ᓂᐊᓐᓇ ᑎᑎᕋᖅᓯᒪᑉᓗᑎᒃ:-

“ᐃᓕᓐᓂᐊᕐᕕᑦ ᓄᑕᖃᓐᓂᒃ ᐃᓄᖃᕆᐊᖃᕐᓂᖏᓐᓄᑦ ᐊᓐᓂᐊᖏᑎᐊᖅᑐᓐᓂᒃ ᑭᓇᐅᔭᖅ ᐅᓇᓪᓕᓄᑦ ᐊᑐᒐᐅᓂᐊᖅᑐᖅ ᓇᒻᒪᑎᐊᕐᓂᐊᕐᒪᑦ ᐊᓯᖏᓐᓄᓪᓗ ᐊᑐᖅᑕᐅᖏᓪᓗᓐᓂ, ᐱᔪᒥᓇᖅᐳᖅ ᐱᓕᕆᐊᖑᓚᐅᖅᑐᑦ ᐊᑐᑲᓂᖅᑎᑕᐅᓗᑎᒃ ᑕᐊᒃᑕ ᓚᕙᑎ ᖃᐅᔨᓴᓚᐅᕐᓂᖓᓐᓄᑦ. “


ᑖᑉᑯᐊ ᐃᓕᓐᓂᐊᕈᑎᑦ ᐃᑲᔪᓚᐅᕐᒪᑕ ᑎᑎᕋᓚᐅᖅᑐᕐᓗ ᖃᐅᔨᓴᕆᐊᓕᓚᐅᖅᐳᖅ ᐃᒡᖢᐊᖅᓴᐃᔨ ᔩ.ᑏ. ᓛᕙᑎᒻᒥᒃ ᐃᑲᔪᖅᑎᖃᕐᓗᓐᓂ 243 ᓂᒃ ᐃᓕᓐᓂᐊᖅᑐᓐᓂᒃ 8−ᓂ ᐃᓕᓐᓂᐊᕐᕕᖕᓂ, ᐅᑯᐊ ᖃᐅᔨᓴᕐᓂᑯᖏᑦ ᑕᒡᕙ:-·

(a)  ᓄᑕᕋᓗᒃᑖᑦ ᐳᕙᓪᓗᖕᓂᖃᓚᐅᕐᒪᑕ ᖃᓄᒥᐊᖅ ᐅᑭᐅᖃᕋᓗᐊᖅᐸᑕ; (b) ᓄᑕᖃᓇᒡᓛᑦ ᖃᐅᒡᒪᓚᐅᖏᑐᑦ ᐃᓕᓐᓂᐊᖅᑐᑦ ᐳᕙᓪᓗᖕᒪᖔᕐᒦᒃ, ᐅᕙᒍᒥᖕᓂᑦ ᐳᕙᓪᓗᓕᕋᓱᒋᔭᐅᑉᓗᑎᒃ; (c) ᐳᕙᓪᓗᖕᓂᖅ ᐱᑕᖃᓗᐊᕐᓂᖅᓴᐅᓚᐅᕐᒪᑦ ᓄᑕᖃᓐᓂ ᐅᑭᐅᓕᖕᓂ 5−ᒥᑦ 10−ᒧᑦ; (d) The 10,000 ᐃᓕᓐᓂᐊᖅᑐᑦ ᓄᑕᖃᑦ ᑎᐊᓐᓇᑐᑦ ᐃᓱᒪᒋᔭᐅᓱᐊᓚᐅᕐᒪᑕ ᐅᑭᐅᑕᒫᑦ ᐃᓕᓐᓂᐊᕆᐊᖅᑕᖅᑐᑦ.

ᐊᑐᓕᖁᔭᐅᓯᒪᔪᑦ ᐅᓂᑉᑳᒻᒥ ᑎᐊᓐᓇᑐᑦ ᐃᓚᐅᕐᒪᑕ ᑎᑎᕋᒐᐅᓚᐅᖅᑐᒻᒥᒃ 1907 ᖃᐅᔨᓴᒐᐅᓚᐅᕐᒪᑕ 243 ᓄᑕᖃᑦ; ᑭᓯᐊᓐᓂ ᓈᒻᒪᒋᔭᐅᖏᓚᐅᕐᓗᓐᓂ ᑏ.ᓰ. ᔅᑲᐋᑦᒧᑦ ᖃᓄᐃᓕᔭᐅᓚᐅᖏᓗᓐᓂ ᐱᓕᕆᑉᕕᖕᒧᑦ ᐊᓐᓂᐊᖅᑕᐃᓕᓂᕐᒧᑦ ᐊᑐᓕᖁᔭᐅᒐᓗᐊᕐᓗᓐᓂ ᑕᒻᓇᓗ ᐃᓱᒪᒋᔭᖓ ᐃᓕᓐᓂᐊᖅᑎᑦᓯᔨᑉ ᔪᐊᔾ ᐋᒻᑕᒻᒥ, ᑐᖁᖓᔪᓕᕆᔨ ᒪᒋᐅᓪ ᐃᓕᓐᓂᐊᕐᕕᖓᓐᓂ,  ᑎᑎᖃᖅ ᑭᐅᔪᑕᐅᓚᐅᖅᑐᖅ ᒥᓂᔅᑕᐅᑉ ᑐᒡᓕᐊᓐᓄᑦ ᒥᐊᓂᕆᔭᐅᓂᖓᓐᓂᑦ ᐅᓇᓪᓕᑦ ᐃᓕᓐᓂᐊᕐᕕᖏᑕ. ᐊᒻᑕᒻᒥ ᖃᐅᔨᓴᖅᑎᑦᓯᓚᐅᕐᒪᑦ ᑎᑎᕋᖅᑐᒻᒥᒃ ᓄᑕᖃᓐᓂᒃ ᐊᖏᔪᖅᑕᒻᒥ ᐃᓕᓐᓂᐊᕐᕕᖕᒥ ᐊᒻᒪ ᑐᓴᐅᒪᑎᑕᐅᔪᒪᑉᓗᓐᓂ. ᐅᖃᓚᐅᕐᓗᓐᓂ ᐃᑲᔪᖅᑐᐃᓂᖓᓐᓄᑦ ᑏ.ᓰ, ᔅᑲᐊᑦᔅ ᑕᒻᓇ ᐅᓂᑉᑳᖅ ᐳᓇᐃᔅ ᑎᑎᕋᖅᑕᖓ ᐅᓂᑉᑲᖅ ᐅᖃᐅᓯᐅᓚᐅᖏᓗᓐᓂ ᐅᑭᐅᑕᒫᑦ ᑲᑎᒪᓂᖓᓐᓂ ᐳᕙᓪᓗᖕᓇᖅᑐᓐᓄᑦ ᑲᑐᔨᖃᑎᒌᖏᓐᓂ 1910, ᐃᓱᒪᑕᐅᓚᐅᕐᒪᑦ ᐊᒻᒪ ᐅᖃᐅᓯᕆᓚᐅᖅᑕᖓᓐᓂ ᔅᑲᐊᑦᔅ ᐱᓂᐊᕐᓂᕋᕐᓗᓐᓂ ᖃᓄᐃᓕᐅᕐᓂᐊᕐᒪᑕ ᐅᓂᑉᑲᒻᒥ, ᐊᒻᑕᒻᒥ ᑎᑎᕋᕐᓗᓐᓂ ᒥᓂᔅᑕᐅᑉ ᑐᒡᓕᐊᓐᓄᑦ ᓂᐊᓐᓇ ᑎᑎᕋᓚᐅᕐᒪᑦ:-

“ᑕᑯᑎᑕᐅᓚᐅᖅᐳᖓ ᐳᕙᓪᓗᖕᓂᖅ ᓄᑕᖃᓂᓯᐅᕐᒪᑦ, ᐊᒥᓱᓪᓗ ᐊᓐᓂᐊᕐᒪᑕ ᐱᒋᐊᕈᑕᐅᑉᓗᑎᒃᓗ ᑭᓯᐊᓐᓂ ᐊᓯᖏᑦᑕᐅᖅ ᐳᕙᓪᓗᖃᑕᐅᑉᓗᑎᒃ ᒥᐊᓂᕆᔭᐅᔭᕆᐊᖃᕐᒪᑕ, ᐅᔨᕈᓱᓚᐅᖅᐳᖓ ᒐᕙᒪᒃᑯᑦ ᐱᓕᕆᐊᖓᓐᓂᒃ ᓄᑕᖃᓐᓄᑦ. ᑭᓯᐊᓐᓂ ᐃᓱᒪᕗᖓ ᐅᒍᐊᕐᓂᖅᑕᖃᕋᔭᕐᓂᖓᓐᓂᒃ ᓄᑕᖃᓐᓄᑦ ᑕᑉᑯᐊ ᑐᖓᕕᐅᑎᓪᓗᒋᑦ ᒐᕙᒪᓐᓄᑦ ᐃᖕᒥᓂᒃᓗ ᒥᐊᓂᕆᓂᖅ ᐊᔪᕐᒪᑕ ᐳᕙᓪᓗᖕᓂᕐᒥᑦ ᐊᓯᖏᓐᓄᑦ ᐱᕙᓪᓕᐊᕋᓚᓴᖅᑎᓪᓗᒍ.”


III. Iᑎᑎᖃᑦ ᐅᖃᓕᒪᕐᓗᒋᑦ, ᑎᑎᕋᖅᑐᖅ ᐃᓄᖕᒥᑦ ᐱᓚᐅᕐᓂᕐᒥᓂᒃ ᓇᓗᓇᐃᓚᐅᖅᐳᖅ ᒥᓂᔅᑕᒻᒧᑦ ᑎᑎᕋᖅᑕᒥᓂᒃ ᒪᐊᑦᓯ 16th, 1911, ᑎᑎᕋᖅᑐᖃᕐᓗᓐᓂ ᓱᓕᕆᖏᓗᐊᕐᓂᖏᓐᓂᒃ ᐱᓕᕆᑉᕕᐅᑉ ᐊᑐᖁᔭᐅᔪᓐᓄᑦ ᐅᓂᑉᑳᒻᒥ. ᑕᒻᓇ ᑎᑎᖃᖅ ᐃᑲᔪᖅᑐᐃᔪᖅ ᑏ.ᓰ. ᔅᑲᐊᑦᒥᒃ ᖃᓗᐃᓕᐅᖁᔨᑉᓗᓐᓂ ᐱᓕᕆᑉᕕᖕᒥᒃ ᐃᓱᒪᒋᔭᐅᓯᓚᒧᓐᓂᒃ ᐅᓂᑉᑲᒻᒥ. ᐊᒻᒪ ᑎᑎᖃᑉ ᐃᓗᐊᓐᓂ ᐅᑯᐊ ᑎᑎᕋᑲᓂᖅᓯᒪᑉᓗᑎᒃ:-

” Iᒪᓐᓇ 9 ᑕᕿᑦ ᐱᐊᓂᒃᓯᒪᓕᕐᒪᑕ ᐱᓕᕆᐊᖑᓚᐅᕐᓗᓐᓂ ᑭᓯᐊᓐᓂ ᐊᑕᐅᓯᕐᒥᒃᓘᓃᑦ ᐅᖃᖃᑎᒋᔭᐅᓚᐅᖏᓚᖓ ᐅᓂᑉᑲᒻᒥᒃ ᐱᓕᕆᐊᕆᖁᔭᐅᔪᓐᓂᒃ. ᑕᒻᒪᓚᐅᖅᐳᖓ ᐃᓱᒪᒋᔭᖓᑕ ᑏ.ᓰ. ᔅᑲᐊᑦ ᐃᓱᒪᓕᕆᓂᕐᒥᒃ ᐊᑐᖁᔨᓚᐅᕐᓂᖓᓐᓂᒃ ᒥᔅᑐ ᐱᑦᓕᑉ ᐅᐃᕕᕆᔭᐅᓗᓐᓂ ᐃᓱᒪᑐᓂᖓᓐᓄᑦ ᐊᔨᒌᒃᑐᒻᒥᒃ ᐳᕋᒡᐱᐊᕈᑉ ᐊᔪᕐᓇᕈᑎᑦ ᐊᕿᒃᑕᐅᓇᔭᕐᓕᖏᓐᓄᑦ ᐳᕙᓪᓗᖕᑐᑦ ᑲᑐᔨᖃᑎᒌᖏᓐᓂ ᑭᓯᐊᓐᓂ ᑎᑎᖃᖓ ᐱᓕᕆᐊᕆᔭᐅᓕᕐᓗᓐᓂ ᐱᓪᓕᒻᒧᑦ ᐊᒻᒪ ᐃᓕᖕᓄᑦ. ᑕᒻᓇ ᓱᓕ ᐃᓱᒪᒃᓴᐃᖏᓐᓂᖏᓐᓂᒃ ᐅᓇᓪᓕ ᑭᓯᐊᓐᓂ ᐃᓄᐃᑦ ᐱᓗᕆᓂᖏᑕ ᑐᐸᑲᓂᕈᑕᐅᓚᐅᕐᒪᑦ ᐅᓇᓪᓕᑦ ᓄᓇᖁᑎᖏᓐᓂ ᒪᓐᓇ ᐃᓕᖁᓯᐅᓕᕐᒪᑦ, ᐃᓱᒪᕗᖓᓗ ᐊᔪᕈᑕᐅᓪᓚᕆᒃᑐᖅ ᓴᕿᓂᐊᕐᒪᑦ ᐱᓕᕆᑉᕕᖕᒥ ᐊᒻᒪ ᐅᕙᖓ ᐱᔪᑕᐅᔪᒪᖏᓗᖓ ᐊᔪᕈᑕᐅᔪᒻᒧᑦ.” 

ᑐᑭᓯᔭᐅᔭᕆᐊᓕᒃ ᑎᑎᕋᖅᑐᖅ ᖁᕕᐊᓱᓚᐅᕐᒪᑦ ᑎᑯᐊᒐᐅᓂᖓᓐᓂᒃ ᐃᔅᖢᐊᖅᓴᐃᔨᑉ ᕉᐅᑦᔅ ᐊᐅᓚᑦᓯᔨᐅᓂᐊᓕᕐᓗᓐᓂ ᐅᓇᓪᓕᑦ ᐱᓕᕆᐊᖏᓐᓂ ᓄᖃᖓᓕᖅᐸᑦ ᐅᐱᓐᓇᖅᑐᖅ ᕋᐋᔾᔭᔅ ᒥᓂᔅᑕᐅᑉ ᑐᒡᓕᕆᓚᐅᕐᒪᒍ ᓄᖃᖓᔪᒫᓕᖅᑎᓪᓗᒍ. ᑭᖑᓪᓕᕐᒥᒃ ᐅᖃᓚᐅᖅᐳᖅ ” ᐊᓐᓂᐊᕐᓂᕐᒧᑦ ᒥᓂᖦᑕᐅᔪᖅ ᐅᓇᓪᓕᓄᑦ ᑐᑭᓯᐊᓂᐊᕐᓗᓐᓂ.” ᓯᕗᓂᖓᓂ ᑎᑯᐊᒐᐅᓂᖓ ᑎᑎᖃᓐᓂᒃ ᐱᑕᖃᓚᐅᕐᒪᑦ ᕈᐆᔅᓯ ᑎᓯᒻᐱᕆ 9th, 1912, ᖃᐅᔨᓴᕐᓂᑯᑦ ᐊᒻᒪ ᑎᑎᕋᖅᓯᒪᔪᑦ ᐊᑕᐅᓯᐅᖏᑐᓐᓂ ᐅᓇᓪᓕᑦ ᓄᓇᖁᑎᖏᓐᓂ ᐊᑐᖅᐸᓚᐅᕐᒪᑕ ᐅᖓᑖᓂᐅᖏᑐᖅ $2 ᐅᑭᐅᑉ ᐃᓗᐊᓐᓂ, ᐊᒥᓱᓪᓗ ᐃᓅᔪᖕᓇᐃᖅᑕᓚᐅᕐᒪᑕ ᐃᓛᓐᓂᑯᑦ 40 ᑕᐅᓯᓐᒍᑉᓗᑎᒃ. ᑭᐅᔪᑕᐅᓚᐅᖅᑐᖅ ᑎᑎᕋᖅᓯᒪᑉᓗᓐᓂ ᐅᓇᐅᓚᐅᖅᐳᖅ:-

“ᐃᓱᒪᒋᔭᐅᑲᓂᕆᐊᓕᒃ ᐃᓱᒪᒋᓚᐅᒃᑲᑦ, ᐊᔪᕈᖕᓇᐃᕈᒪᓗ ᐃᓕᖕᓄᑦ ᓈᒻᒪᖕᓂᖅᐸᑦ, ᐅᖃᐅᓯᕆᔪᒪᕙᕋ ᐃᓕᖕᓄᑦ.” 


ᐃᔅᖢᐊᖅᓴᐃᔨ ᐊᑦᓂᐊᓕᕐᒪᑦ ᑕᕿᓐᓂᒃ ᐊᒥᓱᓂᒃᓗ ᐱᓕᕆᖏᓕᕐᓗᓐᓂ ᓱᔪᖃᖏᒥᐊᓚᐅᖅᐳᖅ; ᑭᓯᐊᓐᓂ ᐅᑎᕐᒪᑦ ᐅᖃᖃᑎᒋᔭᐅᓕᕐᓗᓐᓂ ᑕᒻᒫᔭᖅᓯᒪᔪᒻᒥᒃ ᖃᐅᔨᓴᕐᓂᕐᒥᒃ ᐅᓇᓪᓕᓂᒃ ᐱᓕᕆᐊᖑᑲᓂᖁᔭᐅᓚᐅᕐᒪᑦ. ᑎᑎᕋᖅᓯᒪᑉᓗᓂᓗ ᖃᐅᔨᓴᕐᓂᖅ ᑐᑭᓯᓐᓇᒥᐊᕐᓗᓐᓂ ᓱᓇᓐᓂᒃ ᐊᑐᕆᐊᖃᕐᒪᖔᑖ. ᐃᔅᖢᐊᖅᓴᐃᔨ ᕉᓰ ᐅᑎᕐᒪᑦ ᐱᓕᕆᐊᕆᓂᐊᓕᕐᓗᓐᓂᐅᒃ. ᑕᐃᒪᖓ ᐅᑉᓗᒥᒻᒧᑦ, ᐅᑕᕿᔭᐅᕗᖅ ᓱᓕ.

ᑎᑎᕋᖅᑐᖅ ᖃᐅᔨᓴᓚᐅᖏᒪᑦ ᓱᓕ ᑕᐃᒪᖓᑦ ᑏ.ᓰ. ᔅᑲᐋᑦ ᒥᓂᔅᑕᐅᑉ ᑐᒡᓕᕆᓕᕐᒪᒍ 1913 ᐊᑐᖅᑎᓪᓗᒍ ᑭᓯᐊᓐᓂ ᐊᕌᒍᑕᒫᑦ 1914 ᐋᕿᒃᓱᐃᑦᑕᓚᐅᕐᒪᑕ ᐊᓐᓂᐊᖅᑐᑦ ᐅᓂᑉᑳᖓᓐᓂᒃ ᐱᓕᕆᑉᕕᖓᓐᓄᑦ. ᑕᐃᒪᖓ, ᐅᓐᓇ ᑎᑎᕋᖅᓯᒪᔪᖅ ᐱᔭᐅᓚᐅᕐᒪᑦ:-

P. H. Bryce, M. D. ᐊᑦᓂᐊᖅᑐᓂᒃ ᖃᐅᔨᓴᖅᑎ, ᑲᓇᑕᒻᒧᑦ ᑎᑭᑉᐸᓕᐊᔪᑦ ᐱᓕᕆᑉᕕᖓᓐᓂ.

ᐋᑦᑐᕚᒻᒥ, ᔫᓐ 17, 1914.

ᑎᑎᖃᕐᕕᒋᕙᒋᑦ,

ᑕᒻᓇ ᑭᐅᔪᑕᐅᔪᖅ ᑎᑎᕋᓚᐅᑲᖅᓄᑦ ᑎᑎᕋᖅᓯᒪᔪᑦ ᑲᓇᑕᐅᑉ ᒐᕙᒪᖏᑕ ᐱᓕᕆᑉᕕᖓᓐᓂ ᐃᒡᖢᐊᖅᓴᐃᔨᑦ ᖃᐅᔨᓴᕐᓂᑯᖏᑦ ᑐᓂᔭᐅᖁᑉᓗᒋᑦ ᐃᓕᖕᓄᑦ, ᐊᒻᒪ ᐅᖃᓕᒫᒐᖕᖑᖅᑎᑕᐅᓕᓗᕐᑎᒃ, ᐱᓕᕆᑉᕕᖓ ᑲᓇᑕᒥᐅᓐᓄᑦ ᐊᑐᒐᐅᓱᖅᑐᑉ ᐱᖁᔭᖓᓐᓂ 1908 ᐃᓚᐅᑎᑕᐅᓚᐅᖏᓇᕕᓐ ᑮᓇᐅᔭᓕᐊᓪᓗ ᐊᑐᒐᐅᓚᐅᕐᒪᑦ ᐱᓕᕆᑉᕕᖕᒧᑦ ᑎᑎᕋᕐᕕᐅᑉ ᐃᓗᐊᓐᓂ. ᓇᓗᓇᖏᑐᕐᓗ ᐊᑐᐃᓐᓇᐅᓚᐅᕐᓂᖅᓂ ᐃᓚᓐᓂᑯᑦ; ᐊᕌᓂᐅᓚᐅᖅᑐᖅ ᖃᐅᔨᒪᓚᐅᕐᓗᖓ ᑎᓕᔭᐅᓚᐅᖏᓇᕕᑦ ᐱᓕᕆᑉᕕᖕᒧᑦ. ᐅᖃᕆᐊᖃᖅᐳᖓ ᐃᔅᖢᐊᖅᓴᐃᔨ ᒍᕇᓐ ᕕᓂᐱᖕᒥᐅᑕᖅ ᑎᒃᑯᐊᒐᐅᓚᐅᕐᒪᑦ ᐃᓕᓐᓂᐊᕐᕕᖕᓂᒃ ᖃᐅᔨᓴᖁᔭᐅᑉᓗᓐᓂ ᐊᒻᒪ  ᐅᓇᓪᓕᑦ ᓄᓇᖏᓐᓂᒡᓗ ᐱᓕᕆᕐᔪᐊᓕᕐᓗᓐᓂ. ᑕᑉᑯᐊ ᑎᐊᓐᓇᐃᒥᐊᕋᓗᐊᖅᑎᓪᓗᒋᑦ, ᑐᓂᓯᖁᓇᔭᖏᐸᒋᑦ ᐅᓂᑉᑳᖅᓯᒪᔪᒻᒥᒃ ᖃᐅᔨᓴᕐᓂᑯᓐᓂᒃ ᐅᓇᓪᓕᑦ ᖃᐅᔨᓴᒐᐅᑎᓪᓗᒋᑦ ᐅᑭᐅᖑᓚᐅᖅᑐᒻᒥ.

ᒪᑦᓈᕆᐊᖃᕋᑉᑭᑦ ᑎᑎᕋᓚᐅᕋᕕᓐ ᐅᓂᑉᑳᖅᓯᒪᔪᒻᒥᒃ ᐅᖃᓕᒫᒐᖑᕐᓂᐊᕐᓗᓐᓂ.     

ᑎᑎᕋᖅᑐᖅ,

DUNCAN C. SCOTT,

D. S. G.I. A.

ᓇᓪᓗᓇᐃᓕᓯᒪᔪᖅ ᐊᔾᔨᒌᖏᑎᑦᓯᓂᕐᒥ ᐃᓪᓗᓕᖃᕐᒪᖅ ᑎᑎᖃᖅ, ᑎᑎᕋᒐᐅᓚᖏᑐᖅ ᒥᓂᔅᑕᒻᒧᑦ Dr. W. A. Roche, ᑭᓯᐊᓂᓕ ᒥᓂᔅᓴᐅᑉ ᑐᒡᓕᖓᓄᑦ ᑎᑎᕋᒐᐅᑉᓗᓂ, ᑐᑭᓯᓐᓇᕐᓂᐊᖅᑐᖅ ᓱᓕᑉᓗᓂ 1908, ᑕᓪᓕᒪᑦ ᐅᑭᐅᑕᒫᑦ ᐅᓂᑉᑲᐅᓯᐅᕙᒃᑐᑦ ᑎᑎᕋᒐᐅᓚᐅᕐᓂᕐᒪᑕ ᑖᑉᓱᒧᖓ, ᖃᐅᔨᒪᔭᐅᔭᕆᐊᓕᒃ ᐅᓂᑉᑳᖅᑐᖅ ᐱᖓᓱᓂᒃ ᐊᕐᕕᓂᓕᖕᓂᒃ ᐃᓕᓐᓂᐊᕐᕕᖕᓂᒃ ᑲᐅᓪᑯᕆᐅᑉ ᓄᓇᖃᕐᕕᖏᔮᓂ ᐱᒋᐊᖁᔨᓂᖃᖅᖢᑎᒃ ᒐᕙᒪᑯᑦ ᐱᓕᕆᕕᐊᓂᒃ ᐊᑐᕆᐊᖁᔭᐅᑉᓗᑎᒃ 1909−ᒥ.  ᐱᔾᔪᑕᐅᑲᓂᖅᖢᓂ, ᑖᒻᓇ ᐃᖢᐊᖅᓴᐃᔨ, ᓄᖃᓚᐅᖅᑐᖅ ᐱᔪᑎᖃᑦᓯᐊᖅᖢᓂ, ᐱᓕᕆᐊᖃᕐᓂᖅ ᐊᔪᖅᑎᓪᓗᒍ ᐅᓇᓖᑦ ᐊᓐᓂᐊᕐᓂᕆᕙᒃᑕᖏᓐᓂᒃ, ᑎᑯᐊᒐᐅᓚᐅᕐᓂᕐᒪᑦ ᖃᐅᔨᓴᖅᑎᐅᖁᔭᐅᑉᓗᓂ ᑲᓇᑕᐅᑉ ᐅᐊᖕᓇᖓᓂ ᐊᕕᒃᑐᖅᓯᒪᔪᓂ.  ᖃᐅᔨᓇᓚᐅᖅᑐᖅ ᒥᓂᔅᑕ ᐃᓱᒪᒋᔭᖃᓗᐊᖏᓐᓂᕐᒪᑦ ᓄᖃᖅᑎᑦᓯᓂᓗᖕᓂᕐᒥᒃ ᐳᕙᓗᒃᑕᖅᑐᓂᒃ.  ᖃᐅᔨᓇᓚᐅᖅᑐᖅ ᑲᑎᒪᔨᕐᔪᐃᑦ ᑎᒃᑯᐊᖅᓂᓚᐅᖅᑐᑦ ᑎᑎᕋᖅᑐᒥᒃ ᐊᓯᔨᖅᓯᒪᖏᒻᒪᑕ ᐊᒻᒪᓪᓗ ᓴᑐᐃᓚᐅᖏᓂᖅᖢᑎᒃ ᑭᓇᐅᔭᖅᑖᕆᓂᐊᒐᖏᓐᓂᒃ ᐊᑐᒐᐅᓂᐊᖅᑐᓂᒃ ᑐᓂᔭᐅᓂᖓᓐᓄᑦ ᐱᓕᕆᕕᖓᓄᑦ, 1908−ᖑᑎᓪᓗᒍ, ᑭᓇᐅᔭᓪᓕᐊᖏᑕ ᐊᖏᒡᓕᒋᐊᕈᑎᒃᓴᖏᑦ ᒪᓕᒡᓗᒍ ᐱᖁᔭᖅᑖᓵᖅ ᒐᕙᒪᑯᑦ ᑲᓇᑕᒥ ᐱᓕᕆᔨᖏᓐᓄ ᑐᕌᖓᔪᖅ.

lV.  ᐅᖓᑕᕐᔪᐊᕐᓂᖅ ᐱᒋᐊᕐᒪᑦ 1914−ᖑᑎᓪᓗᒍ ᑲᓇᑕᒧᑦ ᐃᑎᖅᐸᓕᐊᔪᑦ ᓯᓚᕐᔪᒥᑎᑦ ᓄᓇᐃᑦ ᐊᓯᖏᓐᓂᑦ ᓄᖃᖅᑎᑕᐅᓕᖅᑎᓪᓗᒍ, ᓂᕆᐅᓇᖏᑐᒥᒃ ᐱᔪᖃᓚᐅᖅᐳᖅ ᑎᑎᕋᖅᑐᖅ ᑐᓂᔭᐅᓂᖓᓂᒃ ᐊᖏᓂᖅᓴᒥᒃ ᐱᓕᕆᐊᑦᓴᒥᒃ ᖃᐅᔨᒪᓂᖓ ᐱᓕᕆᓯᒪᓂᖓᓗ ᐃᓱᒪᒋᔭᐅᑉᓗᑎᒃ ᐅᓐᓇᓖᑦ ᐊᓐᓂᐊᖅᑕᐃᓕᔪᑎᒃᓴᖏᑦ  ᐃᓱᒪᒋᔭᐅᑉᓗᑎᒃ; ᑭᓯᐊᓂ ᐊᑕᐅᓰᖏᑦᖢᓂ, ᑎᓪᓕᔭᐅᒐᓂᖕᒪᑦ ᑎᑎᕋᓚᐅᖅᑐᑉ ᐱᓕᕆᔫᓗᐊᕐᓂᖏᒃ ᐊᑐᒐᐅᖏᑕᕐᓇᖅᑐᑦ, ᑖᒻᓇᓗ ᒥᓂᔅᑕᐅᔪᖅ ᐊᓯᐊᓄᑦ ᐱᓕᕆᐊᑦᓴᒧᑦ ᑎᓕᔭᐅᓕᕆᑉᓗᓂ 1917−ᖑᓕᕐᒪᑦ, ᐃᓱᒪᑕᐅᑎᑕᐅᓕᖅᖢᓂ ᒐᕙᒪᑯᑦ ᐱᓕᕆᔨᖏᓐᓄᑦ, ᐊᒻᒪᓗ ᒥᐊᓂᖅᓯᑎᑕᐅᓕᖅᖢᓂ ᐃᓱᒪᒋᔭᐅᖏᖃᑖᖅᑐᒧᑦ ᐊᕿᐅᒪᖏᓪᓗᐊᕕᒃᑐᒥᒃ.  1917, ᑎᑎᕋᖅᑐᖅ ᐊᖀᓚᐅᖅᑐᖅ, ᑎᓪᓕᔭᐅᑉᓗᓂ ᖃᐅᔨᓴᖅᑐᓄᑦ ᒥᐊᓂᖅᓯᑦᓯᐊᕐᓂᕐᒧᑦ, ᑎᑎᖃᖅ ᐊᕿᑦᑕᐅᔪᑦ “ᒥᐊᓂᕆᔭᐅᓂᖓᑦ ᐱᓕᕆᔨᐅᔪᑦ ᑲᓇᑕᒥ”, ᐱᓕᕆᐊᖃᖅᖢᓂ ᐊᕿᐅᒪᖏᑐᓂᒃ ᑲᓇᑕᒥ ᐱᓕᕆᔨᐅᔪᓄᑦ.  ᑖᑉᓱᒪ ᑎᑎᕋᖅᑕᐅᓂᑯᑉ ᑕᑯᔭᔪᒪᓗᐊᕐᓂᖓᓄᑦ ᐱᓕᕆᐊᖃᑲᓐᓂᓕᓚᐅᖅᑐᑦ ᑖᑉᓱᒪ ᐊᔨᖓᓂᒃ ᖃᐅᔨᓴᕐᓂᕐᒥᒃ, ᖃᐅᔨᓴᖅᖢᑎᒃ “ᒥᐊᓂᕆᔭᐅᓂᖓᓐᓂᒃ ᐱᓕᕆᔨᐅᔪᑦ ᐅᓇᓖᑦ ᑲᓇᑕᒥ”, ᑕᑯᐊ ᑎᓕᓯᒪᓕᐊᓂᒃᑎᓪᓗᒋ 2000− ᐊᑎᓕᖅᑐᖅᑕᐅᖏᑐᓂᒃ ᐅᖓᑕᖅᑐᒃᓴᓂᒃ ᐃᓱᒪᑕᖃᕐᕕᖕᒧᑦ.  ᓱᓇᑭᐊᖅ ᐱᔾᔪᑕᐅᑉᓗᓂ, ᑖᒻᓇ ᑎᑎᖃᖅ ᐊᒥᓱᓕᐅᒐᐅᓚᐅᖏᑐᖅ ᑕᑯᔭᐅᖏᑕᐃᓐᓇᖅᖢᓂ, ᑭᓯᐊᓂᓪᓕ ᑐᓂᔭᐅᓚᐅᖅᑐᖅ ᒥᓐᓂᔅᑕᐅᔪᒧᑦ ᐃᓱᒪᑕᖃᕐᕕᖕᒧᑦ 1918−ᖑᑎᓪᓗᒍ, ᖃᐅᔨᔭᐅᖁᑉᓗᒋᑦ ᑕᒻᒪᐃᑕ ᓱᓕᔪᑦ ᖃᐅᔨᒪᔭᒃᓴᑦ ᒐᕙᒪᑯᓐᓄᑦ.  ᑖᒻᓇ ᑎᑎᕋᒐᐅᓐᓂᑯ ᐱᒋᐊᕈᑎᖃᓚᐅᖅᑐᖅ ᓇᓪᓗᓇᐃᔭᐃᑉᓗᓂ 1916−ᖑᑎᓪᓗᒍ 4,862,303 ᓄᓇ ᐊᕕᒃᓱᖅᓯᒪᔪᖅ ᐃᓂᒋᔭᐅᖕᒪᑦ ᐅᓇᓪᓕᓄᑦ, 73,716 ᓄᓇ ᐊᕕᒃᑐᖅᓯᒪᔪᑦ ᐊᑐᒐᐅᑉᓗᑎᒃ ᐱᕈᖅᓯᓂᕐᒧᑦ, ᓇᓗᓇᐃᖅᓯᑉᓗᑎᒃ ᐱᕈᖅᓰᕕᓕᕆᔨᑦ ᐊᑐᓂ ᑭᓇᐅᔭᓕᐅᖅᑕᕐᒪᑕ $110−ᓂᒃ, ᑖᑉᓱᒪᓂ ᐃᓚᐅᑉᓗᓂ ᐅᓇᓖᑦ ᓄᓇᖓᓐᓂᑦ $69, $40 ᓄᕙ ᓱᑯᓴᒥᑦ.  ᓇᓗᓇᐃᓚᐅᖅᑐᖅ ᐊᒃᖢᓂᖅᐸᑦ ᐅᓐᓇᓕᐅᓚᐅᕐᒪᑕ ᑲᓇᑕᒥ ᑕᒻᒪᓇᓗ ᐱᒪᕆᐅᑎᑕᐅᑉᓗᓂ ᐃᓱᒪᑕᖃᕐᕕᖕᒧᑦ.  ᖃᑉᓯᐅᓂᖏᓐᓂᒃ ᐅᓂᑉᑳᖅᑐᖅ “ᐱᓕᕆᔨᓂᒃ” ᐅᖃᐅᓯᓕᒃ ᑎᑎᖃᖅ ᖃᐅᔨᓇᓚᐅᖅᑐᖅ ᐊᒥᓱᖑᖅᐸᓕᐊᓇᔭᖅᑎᓪᓗᒋᑦ ᐅᓇᓖᑦ 1.5−ᒥᒃ ᐅᑭᐅᖅ ᐊᑕᐅᓯᖅ ᐊᔨᒋᔭᐅᓪᓗᓂ ᖃᑉᓗᓈᓄᑦ ᐊᑐᒐᐅᔪᑐᑦ, 1904 ᐊᒻᒪᓗ 1917 ᐊᑯᓂᖓᓂ ᐊᒥᓲᔪᖕᓃᖅᐸᓕᐊᓂᕋᐃᓚᐅᖅᑐᑦ ᐅᓇᓕᕐᓂᒃ ᐅᑭᐅᑦ ᒪᕈᒃ ᐊᒐᐃᑦ ᖄᖏᖅᖢᒋᑦ 1,639−ᖏᓇᕐᓂᒃ ᐊᒥᓱᓂᖃᕐᓂᕋᐃᑉᓗᑎᒃ, ᓈᒪᑎᑦᓯᐊᖅᑐᒥᒃ ᐅᖃᓚᐅᖅᐸᑦ 20,000−ᖑᓇᔭᓚᐅᖅᑐᑦ ᐊᒥᓱᖑᖅᐸᓪᓕᐊᓂᖏᑦ ᐅᑭᐅᓂᒃ 13 ᓈᓪᓗᒋᑦ.  ᖃᐅᔨᓴᕐᓂᖅ ᖃᑉᓯᐅᓂᖏᓐᓂᒃ ᐊᔾᔨᒌᖏᓂᖏᓐᓂᒃ ᐱᔪᑕᐅᓚᐅᖅᑐᑦ ᑐᖁᑕᕐᓂᖏᓐᓂᑦ, ᓈᒪᓂᖏᑲᓗᐊᖅᑎᓪᓗᒍ ᓈᓴᐅᑎᑎᒍᑦ ᐅᓇᓖᑦ ᐊᒥᓱᖑᖅᐸᓕᐊᓂᖓᑦ 27-ᓂᒃ ᐃᓚᒋᐊᖅᑕᖅᖢᑎᒃ 1000−ᖑᑦᐸᑕ ᐊᒥᓲᓂᖏᑦ, ᖁᑦᓯᖏᓂᖅᓴᐅᑉᓗᓂ ᖃᑉᓗᓈᑦ ᐊᒥᓱᖑᖅᐸᓪᓕᐊᓂᖓᓐᓂᑦ. 

ᑎᑎᕋᒐᐅᓂᑯ ᐅᖃᐅᓯᖃᕐᒪᑦ, “ᐅᓇᓖᑦ ᐱᒡᖑᑉᓗᑎᒃ ᐊᓪᓚᐅᖕᒪᑕ, ᓄᑕᕿᐅᕐᓂᖓᑦ ᑲᔪᓯᒋᒃᖢᓂ ᐱᒡᒍᔪᖅ, ᐊᒻᒪᓗ ᓴᓗᒪᑦᓯᐊᖅᖢᑎᒃ ᐊᒻᒪᓗ ᐊᒥᓱᖏᑐᓂᒃ ᐃᓚᖓᖅᑕᖅᖢᑎᒃ.  ᑕᐃᒪ 134 ᓄᑕᖃᑦ ᐃᓅᓚᐅᖅᑐᑦ File Hill ᐱᖁᖅᓯᕕᖓᓂ ᓄᓇᓕᖕᓂ 17 ᐅᑭᐅᒃ ᓈᓗᒋᑦ, 34 ᐃᓅᔪᖕᓃᓚᐅᖅᑐᑦ, 15 ᓄᑕᖃᑦ ᐃᕐᓂᐊᖑᖕᒪᑕ ᐊᑕᐅᓰᓇᖅ ᑐᖁᓚᐅᖅᑐᖅ, ᓇᓗᓇᐃᓕᓚᐅᖅᑐᖅ 77 ᑐᖁᑕᕐᒪᑕ ᐃᓄᖃᖅᐸᑦ 1000−ᓂᒃ ᐅᑭᐅᖅ ᐊᑕᐅᓯᖅ ᓈᓗᒍ.  ᑐᓴᕈᐊᑲᓂᕐᓂᖃᖅᓚᐅᕐᒪᑕ ᑭᖑᕙᖅᓯᒪᖏᑦᑐᓂᒃ ᖃᑉᓯᓂᒃ ᐅᑭᐅᖃᖅᖢᑎᒃ ᑐᖁᑕᕐᒪᖔᑖ ᐊᒻᒪᓗ ᓱᓇᒧᑦ ᑐᖁᑕᕐᒪᖔᑖ ᑎᑎᕋᖅᑐᖅ ᑎᑎᕋᖅᑕᓚᐅᖅᑐᖅ ᑎᑎᕋᖅᑎᐅᔪᒧᑦ ᐅᓇᓕᕐᓂᒃ ᐱᓕᕆᐊᓕᖏᓂᒃ ᑲᓇᑕᐅᑉ ᒐᕙᒪᑯᖏᓐᓂ ᑐᒃᓯᕋᖅᖢᓂ ᑕᑯᓂᖓ.  ᑭᐅᔭᐅᒐᒥ ᐆᒥᖓ ᑎᑎᖃᖅᑖᓚᐅᖅᑐᖅ:

ᐃᖢᐊᖅᓴᐃᔩ, Bryce ᐊᑐᕚᒥ

May 7, 1918

ᑎᑎᕋᓚᐅᑲᑦ ᐱᖓᔪᐊᑦ ᑐᒃᓯᕋᖅᑐᖅ ᓈᓴᐅᑎᓂᒃ ᖃᑉᓯᐊᓂᖏᓐᓂᒃ.  ᑐᓂᓯᓂᖅ ᐊᔪᖅᑐᖓ ᓈᓴᐅᑎᓂᒃ ᑐᒃᓯᕋᑲᕐᓂᒃ ᑐᓂᔭᐅᑕᕈᖕᓃᕋᑉᑕ ᖃᐅᔨᒪᔪᑎᒃ ᓈᓴᐅᑎᒃ ᖃᑉᓯᐅᓕᕐᒪᖔᑖ, ᐊᕌᓂ ᖃᐅᔨᔫᓪᓗᐊᓚᐅᕋᑉᑕ ᐃᓐᓂᐊᖑᓚᐅᖅᑐᑦ ᖃᑉᓯᐅᓚᐅᕐᒪᖔᑖ ᐊᒻᒪᓪᓗ ᖃᑉᓯᑦ ᐃᓅᔪᖕᓃᓚᐅᕐᒪᖔᑖ ᒥᐊᓂᖅᓯᔨᐅᔪᓂᑦ ᐊᑐᓂ.  ᑖᑯᐊ ᐅᒥᓱᓕᐅᒐᐅᓚᐅᖕᖏᒻᒪᑕ ᐱᔪᑎᒋᑉᓗᒍ ᑐᓂᐅᖃᕐᓂᖅ ᐊᔪᖅᐳᒍᑦ.  ᓱᓇᒧᑦ ᑐᖁᑕᕐᓂᕐᒪᖔᑖ ᑎᑎᕋᒐᐅᓯᒪᑕᖏᒻᒪᑕ ᑎᑎᕋᖅᑕᑉᑎᖕᓂ ᑕᐃᒪ ᖃᐅᔨᒪᔪᑎᓂᒃ ᐱᑕᖃᖏᔪᑎᒋᕚ.

ᓈᓚᕆᒃᑐᖅ ᐱᔨᓯ,

(ᐊᑎᓕᐅᖅᓯᒪᔪ) J.D. McLean

ᐃᑲᔪᖅᑎ ᒥᐊᓂᖅᓯᔨᒧᑦ ᐊᒻᒪᓕ ᑎᑎᕋᖅᑎᐅᑉᓗᓂ.

ᑕᐃᒪᓪᓕ ᐅᑭᐅ ᖁᓕᑦ ᐊᒐᐃᑦ ᐋᕿᒃᓯᒪᓂᖓ ᐅᓇᓕᓕᕆᓂᕐᒧᑦ ᐱᓕᕆᔨᑦ ᑲᓇᑕᒥ, ᑎᑎᕋᖅᑐᖅ ᐱᓕᕆᒋᐊᓚᐅᕋᒥ 1904−ᒥ ᑎᓕᔭᐅᓂᑯᑦ ᖃᐅᔨᒪᔪᑎᑦ ᐊᓐᓂᐊᓂᕐᕆᔭᐅᔪᓄᑦ ᐃᓐᓅᔪᖕᓃᕐᓂᖏᓪᓗ ᐊᔨᒌᖏᑐ ᐅᓇᓖᑦ ᐊᕕᒃᑐᖅᓯᒪᓂᖏᓐᓂᑦ, ᐅᖃᐅᔨᓚᐅᖅᑐᖅ ᒐᕙᒪᑯᑦ ᑎᑎᕋᕐᕕᖓᓐᓂᒃ ᐱᓕᕆᔨᖃᖅᑐᒥᒃ  287−ᓂᒃ ᐊᑭᓕᖅᑐᖅᑕᐅᔪᓂᒃ ᐃᖢᐊᖅᓴᐃᔨᓂᒃ, ᐱᔪᑕᐅᑉᓗᓂ ᑭᓇᐅᔭᓂᒃ ᐱᓕᕆᔪᖅ ᐊᒻᒪᓗ ᒥᓂᔅᑕᐅᑉ ᑐᒡᓕᖓ ᐱᑕᖃᖏᓂᖓᓂᒃ ᖃᐅᔨᒪᔪᑎᒃᓴᑦ, ᑕᑯᔭᐅᕙᒃᑐᓂᒃ ᐅᑉᓗᒥ ᐊᓐᓂᐊᖅᑕᐅᓕᔨᓄ ᐱᓕᕆᕕᖕᓂ, ᑭᓇᒥᐊᒧᓪᓗ ᖃᐅᔨᒪᔭᐅᔪᓪᓗᐊᖅᑐᓂᒃ ᐅᑉᕙᓘᓪᓃᑦ ᐅᓐᓇᓕᓐᓄᑦ ᖃᐅᔨᓂᓗᒡᓗᑎᒃ ᖃᓄᐃᑲᓗᐊᕐᒪᖔᑖ ᐊᓐᓂᐊᕖᑦ ᑲᓇᑕᒥ.

ᖃᐅᔨᓴᒐᐅᓐᓂᑯᒃ ᖃᑉᓯᐅᓪᓕᕐᒪᖔᑖ 1916-17−ᒥ ᖃᐅᔨᓐᓇᓚᐅᖅᑐᖅ ᕿᓇᐅᔭᓕᐊᖓᔪᓂᒃ ᐅᑭᐅᖅ ᐊᑕᐅᓯᖅ, ᐅᑭᐅᓕᖕᓄᒃ 21-ᒥᑦ 65−ᒧᑦ, ᐅᓇᓖᑦ ᐊᐅᓪᐳᑕᒥ ᐊᒻᒥᓲᔪᖕᓃᕐᓂᖃᓚᐅᖅᑐᑦ 161-ᓂᒃ, ᐳᕋᑎᔅ ᑲᓚᒻᐱᐊ 901−ᓂᒃ, ᐋᓐᑎᐅᕆᐅ 991-ᓂᒃ ᐊᒻᒪᓪᓗ ᓄᕙ ᓯᑰᓴ 399−ᓂᒃ.  ᖃᐅᔨᑎᒃᓯᔪᒪᑉᓗᓂ ᖃᓄᖅ ᐅᓇᓖᑦ ᐊᒥᓱᖑᕐᓂᖅᓴᐅᓇᔭᓂᖏᓐᓄᑦ ᑎᑎᕋᖅᑐᖅ ᐊᑐᓚᐅᖅᑐᖅ Mr. W. M. Graham, ᐃᓱᒪᑕᐅᓚᐅᖅᑐᖅ File Hills ᓄᓇᓕᖁᑎᖓᓂ, 1901-ᒥᑦ 1917-ᒧᑦ, ᖃᑉᓯᐊᓚᐅᓂᖏᓐᓂᒃ ᓇᓚᐅᑦᓯᓯᒪᔪᓂᒃ ᑎᑎᕋᕐᓂᑯᖏᓐᓂᒃ.  ᑕᒪᐃᓐᓕ 53−ᓂ ᓄᓇᓕᖕᓂ ᐊᕕᒃᑐᖅᓯᒪᔪᓂ ᐃᓪᓕᓂᐊᕐᕕᐅᔪᓂᑦ ᐅᓇᓕᕐᓄᑦ, ᐱᒋᐊᑎᑕᐅᓚᐅᖅᑐᑦ ᑕᓪᓕᒪᑦ ᐃᓕᓐᓂᐊᕖᑦ 1901−ᖑᑎᓪᓗᒍ, ᓄᓇᖃᓕᕐᓂᑯᓂᒃ ᖃᓂᑕᖓᓐᓂ.  ᑕᒻᒪᒥᒃ ᑲᑎᑎᓯᒪᔪᐃᓇᐅᓚᐅᖅᑐᑦ ᐃᓚᖏᑦ ᓈᒐᐅᒐᓗᐊᖅ, 15 ᐊᐅᓚᓚᐅᖅᑐᑦ ᐃᓚᖏᓪᓗ ᐃᓅᔪᖕᓃᖅᖢᑎᒃ.  ᒪᓃᑦ 1917−ᖑᑎᓪᓗᒍ ᐊᖑᑎᑕᖃᓚᐅᖅᑐᖅ 38−ᓂᒃ, ᐊᕐᓇᐃᑦ 26−ᖑᑉᓗᑎᒃ ᐊᒻᒪᓪᓗ ᓄᑕᖃᑦ 106−ᖑᑉᓗᑎᒃ, ᑲᑎᓪᓗᒋᑦ ᓄᓇᓕᖕᒥᐅᑦ 170−ᖑᑉᓗᑎᒃ.  ᑕᐃᒪᓕ ᖃᐅᔨᓇᖅᓯᕗᖅ ᒪᑯᒃᑐᓂᒃ 41−ᓂᒃ ᐅᓇᓕᖅᑕᕐᖃᒪᑦ ᓄᓇᓕᖕᒥᓯᖑᖅᑯᐃᓇᖅᑐᓂᒃ, ᑖᓇᓂ ᖁᓕᑦ ᐃᓅᔪᖕᓇᐃᓚᐅᖅᑐᑦ ᐳᕙᓪᓗᒃᖢᑎᒃ ᐋᓐᓂᐊᓚᐅᖅᖢᑎᒃ ᐅᑭᐅᓂᒃ ᒪᕈᖕᓂᒃ ᐃᓚᑉᓗᒍ ᐊᒻᒪᓪᓗ ᐊᕐᓇᖅᑕᖃᖅᖢᓂ 29−ᓂᒃ ᑕᒡᕙᖓᑦ ᐱᖓᓱᑦ ᐃᓅᔪᖕᓇᐃᖅᖢᑎᒃ ᐊᒻᒪᓗᑉᑕᐅᖅ ᑕᑯᐊ ᑕᒻᒪᕐᒥᒃ ᑲᑎᓪᓗᒋᑦ ᓄᑕᕋᖃᖅᖢᑎᒃ 134−ᓂᒃ.  1916−ᖑᑎᓪᓗᒍ ᓄᓇᓕᖕᒥᐅᑦ ᓄᓇᖁᑎᖃᓚᐅᖅᐳᑦ 3,991 ᐊᕕᒃᓱᖅᓯᒪᔪᓂᒃ ᐱᕈᖅᓰᕕᐅᓕᖅᑐᓂᒃ, ᐱᕈᖅᓰᕕᓕᕆᔨ ᓄᓇᖃᖅᖢᓂ 100−ᓂᒃ ᐊᕕᒃᑐᖅᓯᒪᔪᓂᒃ.  ᑕᒻᓇ ᐃᓚᐃᓇᒐᔮᒋᓚᐅᒑ ᐅᓇᓖᒃ ᓄᓇᖁᑎᖏᑦ ᑲᑎᓪᓗᒋᑦ ᑲᓇᑕᒥ ᐱᒋᔭᐅᔪᖅ 105,000 ᐃᓄᖕᓄᑦ,  ᓄᓇᓂᑦ ᑖᑉᑯᓇᖓᑦ ᑲᑎᖅᓱᐃᑕᖅᖢᑎᒃ 87,498 ᑲᑎᖅᓯᕐᕖᑦ ᑕᑕᓪᓗᒋᑦ, ᐊᒻᒪᓪᓗ ᓂᕐᔪᑎᖁᑎᖃᑉᕕᐅᑉᓗᑎᒃ 33,052 ᐅᒻᒪᔪᓂᒃ.  ᑕᑯᐊ ᑕᐅᑐᒐᐅᓚᐅᖅᑐᑦ ᖃᐅᔨᒪᔪᑕᐅᑉᓗᑎᒃ ᐅᓂᑉᑳᕐᓂᑯᓂᑦ ᒥᓂᔅᑕᐅᑉ ᐋᕿᒃᓱᕐᓂᑯᖏᓐᓂᑦ 1917−ᖑᑎᓪᓗᒍ; “ᐅᓇᓖᑦ ᖃᑉᓯᐅᓂᖏᒃ ᐊᓯᐊᖑᓗᐊᖅᑕᖏᑦᑐᖅ ᐅᑭᐅ ᑕᒫᑦ 1906-ᒥᑦ 1917−ᒧᑦ ᐅᑭᐅᖏᑦ ᒪᓕᒃᖢᒋᑦ ᐅᑭᐅᑦ ᒪᕈᒃ ᐊᒐᐃᑦ ᓈᓗᒋᑦ ᑲᓇᑕᒥ ᐊᕕᒃᑐᖅᓯᒪᔪᑦ ᑲᑎᑦᖢᒋᑦ ᑭᓯᐊᓂ ᐅᓇᓖᑦ ᐊᒥᓱᔪᖕᓇᐃᓚᐅᖅᑐᑦ 2,632 ᑐᖁᑉᓗᑎᒃ.

ᓇᓗᓇᖏᓚᖅ ᐊᐱᖁᑎᑕᖃᖅᐳᖅ; ᓱᖕᒪᑦ ᐊᒥᓲᔪᖕᓇᐃᓚᐅᕐᒪᖔᑖ?  1906−ᖑᑎᓪᓗᒍ ᐅᓂᑉᑲᐅᓯ ᑎᑎᕋᖅᓯᒪᔪᖅ ᐋᕿᒃᑕᐅᓂᑯᑦ ᐃᖢᐊᖅᓴᐃᔨᕐᔪᐊᕐᒧᑦ ᓇᓪᓗᓇᐃᖅᓯᓚᐅᖅᐳᖅ 99−ᓂᒃ ᐃᓐᓂᐊᖅᑕᐃᓕᑎᑦᓯᔨᓂᒃ ᒥᐊᓂᖅᓯᔪᓂᒃ 70,000−ᓂᒃ ᐃᓄᖕᓂᒃ, ᖃᐅᔨᑎᑦᓯᑉᓗᑎᒃ 3,169−ᓂᒃ ᐳᕙᓪᓗᖕᓂᓕᖕᓂᒃ ᐅᑉᕙᓘᓐᓃᑦ ᐊᑕᐅᓯᕐᒥᒃ ᐳᕙᓪᓗᒃᑐᖃᖅᖢᑎᒃ ᐃᓄᐃ 7−ᖑᒃᐸᑕ ᑖᑯᓇᓂ 23,109−ᖑᔪᓂ ᖃᐅᔨᔭᐅᓯᒪᔪᓂ, ᐊᒻᒥᓱᓪᓗ ᑐᖁᑕᖅᖢᑎᒃ ᐃᓚᖏᓐᓂ ᓄᓇᓕᖕᓂ ᐊᖏᓂᖅᓴᓂ.  ᑕᑯᐊ ᓄᓇᓕᖃᓚᐅᖅᑐᑦ 81.8, 82.6 ᐊᒻᒪᓗ 86.4 ᑐᖁᑉᓗᑎᒃ 1000-ᖑᓇᔭᖅᐸᑕ; ᑕᑯᐊᓕ ᕼᒥᐅᓪᑕᓐᒥᐅᑕᐃᑦ 10.6−ᖏᓐᓇᐃᑦ ᐃᓅᔪᖕᓇᐃᖅᑎᓪᓗᒋ 1921−ᖏᑎᓪᓗᒍ.  ᑕᑯᐊ ᖃᑉᓯᐅᓂᖏᓐᓂᒃ ᐅᓂᑉᑲᕐᓂᑯᑦ ᓇᓗᓇᐃᓕᔪᑕᐅᓚᐅᖅᑐᑦ ᐅᑭᐅᓂᒃ ᖄᖏᖅᐸᓪᓕᐊᔪᓂ, ᐳᕙᓪᓗᓕᕐᓂᑯᑦ ᓄᑕᕋᓚᖑᑉᓗᑎᒃ, ᖃᕆᑕᖏᓐᓂᒃ ᓱᕋᐃᑦᑕᕐᓂᖓᓂᒃ, ᓇᕝᒍᐊᖏᓐᓂᒡᓗ, ᓴᐅᓂᖏᓐᓂᒡᓗ, ᐊᒻᒪᓗ ᐳᕙᖏᑕ ᐃᑦᓯᐊᕈᖕᓂᕐᓂᖏᓐᓄᑦ ᐊᒻᒪᓗ ᑐᖁᖏᑲᓗᐊᕐᓂᖅᐸᑕ ᐳᕙᖏᑦ ᐃᓅᑦᓯᐊᕈᖕᓂᕐᕈᑕᑉᓗᑎᒃ ᑐᖁᒧᑦ ᑎᑭᕋᑕᕐᓗᑎᒃ.

ᑎᑎᕋᓚᐅᖅᑐᖅ 1918−ᖑᑎᓪᓗᒍ ᖃᐅᔨᑎᑦᓯᑲᓐᓂᓚᐅᖅᑐᖅ ᓄᓇᓕᒡᔪᐊᖅ ᕼᐊᒥᐅᓪᑕᓐ ᐊᒻᒥᓲᓂᖅᓴᓂᒃ ᐃᓄᖃᕋᓗᐊᖅᖢᓂ ᐅᓐᓇᓖᑦ ᑲᑎᓪᓗᒋᑦ ᐊᒥᓲᖏᓂᖅᓴᓂᒃ ᑐᖁᔪᖁᑎᖃᓚᐅᕐᒪᑦ, ᐳᕙᓗᖕᓂᕐᒧᑦ ᑕᐃᑉᓱᒪᓂᐅᑎᓪᓗᒍ 1904-ᒥᑦ 1917 ᑎᑭᓪᓗᒍ.  7.5 ᐊᒥᓲᓂᖅᓴᓂᒃ ᑐᖁᔨᐊᖃᖅᖢᓂ 1916−ᒥ 68−ᖏᓇᐃᑦ ᐃᓅᔪᖕᓃᓚᐅᖅᖢᑎᒃ.  ᑎᑎᖃᒥ ᐅᖃᐅᓯᐅᑕᓂᒫᓚᐅᖅᑐᖅ, “ᑕᐃᒻᒪᓇᑐᑦ ᐃᑲᔪᕈᑎᓂᒃ ᑐᓂᓯᓚᐅᕐᒥᔪᑦ ᐊᓐᓂᐊᖅᑕᐃᓕᓂᕐᒧᑦ ᐊᐅᓪᐳᑕ ᖁᑦᓯᖕᓂᖓᓂ ᓄᓇᒥ, ᐃᑲᔪᕈᑕᐅᓚᕐᓇᕐᓕᐊᖅ ᐊᒥᓲᖏᓂᖅᓴᑦ ᐃᓅᔪᖕᓃᕐᖢᒃ ᐅᓇᓖᒃ Blackfeet ᓄᓇᖓᓐᓂ.  1904-ᒥ ᐃᓅᔪᖕᓇᐃᓚᐅᕐᒪᑕ 842 ᐊᒻᒪ 726 ᐃᓅᔪᖕᓇᐃᖅᖢᑎᒃ 1916-ᒥ, ᐅᑉᕙᓘᓐᓃᑦ ᐊᒻᓱᖑᕐᓂᖃᑦᖢᑎᒃ, ᐊᒥᓲᔪᖕᓂᖅᖢᑎᒃ 40%-ᒥᒃ, ᐊᒥᓲᑎᒋᓇᔭᓚᐅᕋᓗᐊᕐᒪᑦ 1,011−ᖑᓗᑎᒃ.

V.  ᑕᒻᒪᓇ ᖃᓄᐃᓐᓂᖓ ᐅᓂᑉᑲᐅᑎᒋᔭᐅᓚᐅᖅᑐᖅ ᑲᑎᒪᔨᕐᔪᐊᒃᒧᑦ N.W. Rowell, ᑭᐅᓚᐅᖅᖢᓂ ᑎᑎᖃᖅᑐᒧᑦ 1918-ᖑᑎᓪᓗᒍ ᑐᓂᑉᓗᒍ ᐅᖃᐅᓯᒃᓴᖏᓐᓂᒃ ᐊᒻᒪᓪᓗ ᐊᐃᕙᔪᑎᒃᓴᖏᓐᓂᒃ ᐱᖁᔭᕐᔪᐊᑉ ᐅᖃᐅᓯᐅᓂᖓᓄᑦ ᐊᑐᓕᖁᔭᐅᑉᓗᓂ ᑲᓇᑕᒥ ᑲᑎᒪᔨᔪᐊᖏ ᒐᕙᒪᑯᒃ ᑲᑎᒪᑎᓪᓗᒋᑦ, ᐋᕿᓂᓗᒃᑎᓪᓗᒋᑦ ᐊᓐᓂᐊᖅᑕᐃᓕᓂᕐᒧᑦ ᐱᓕᕆᕕᒃᓴᒥᒃ.

ᖁᕕᐊᓱᒃᖢᓂ ᑎᑎᖃᒥᒃ ᑐᓂᔭᐅᓪᓚᐅᖅᑐᑦ ᖃᓄᖅ ᐱᓕᕆᐊᖃᖅᑕᕋᔭᕐᒪᖔᑖ ᐅᓐᓇᓖᑦ ᐊᓐᓂᐊᖅᑕᐃᓕᔪᑎᒃᓴᖏᓐᓂᒃ, ᐃᓚᒋᔭᐅᑉᓗᓂ ᐱᖁᔭᖅ ᐊᑐᓕᖁᔭᐅᔪᖅ ᐊᓐᓂᐊᖅᑕᐃᓕᔨᓄᑦ, ᐃᓚᒋᔭᐅᑉᓗᓂ ᐅᓇᓖᑦ ᐊᓐᓂᐊᖅᑕᐃᓕᓂᕐᒧᑦ ᒥᐊᓂᕆᔭᐅᔪᑎᒡᒋᓂᐊᒐᐃᓐᓂᒃ, ᐃᓚᒋᔭᐅᓪᓗᑎᒃ ᐊᓯᖏᓂᒃ ᐊᑐᒐᐅᓂᐊᓂᒃ ᐊᓐᓂᐊᖅᑕᐃᓕᓂᕐᒧᑦ, ᐱᓕᕆᕕᒃ ᓄᑖᖅ ᐱᒋᐊᖅᑎᓪᓗᒍ.  ᑲᑎᒪᔨᕋᓛᑦ ᐱᖑᖅᑎᑕᐅᑎᓪᓗᒋᑦ ᐱᒋᐊᖅᑎᑕᐅᔪᑦ Mr. Rowell−ᓱᑦ ᐅᖃᐅᓯᖃᕐᓂᐊᕐᓗᑎᒃ ᐱᖁᔭᖅᑖᓵᒥᒃ, ᑕᑯᐊ ᐃᓚᒋᔭᐅᓚᐅᖅᑐᑦ ᐊᑐᒐᐅᖁᔭᐅᑉᓗᑎᒃ ᐅᖃᓕᒫᖅᑕᐅᓂᖓᓂᒃ ᓯᕗᒧᓪᓕᒥᒃ ᒐᕙᒪᑯᒃ ᑲᑎᒪᕕᖓᓐᓂ.  ᓱᓇᒥᑭᐊᖅ ᐱᔪᖃᓚᐅᕆᕗᖅ ᑕᐃᑉᓱᒪᓂ; ᐃᓱᒪᓕᐊᕆᔭᐅᓯᒪᔪᑦ ᐊᐅᓚᑦᓯᓂᕐᒧᑦ ᐊᓯᔩᓂᓗᖕᓂᒧᑦ ᐅᖃᓕᒫᖅᑕᐅᓕᖅᐸᑦ ᑐᒡᓕᐊᓂᒃ ᓄᐃᓚᐅᖅᑐᑦ ᐃᓚᓕᐅᑎᔭᐅᖏᓂᖏᓐᓂᒃ ᐅᓐᓇᓖᑦ ᐊᓐᓂᐊᑕᐃᓕᔪᑎᒃᓴᖏᓐᓄᑦ.  ᐅᔾᔨᕆᔭᐅᓚᐅᖅᑐᖅ 1913−ᒥᑦ ᐱᒋᐊᖅᖢᓂ ᑎᑭᓪᓗᒍ ᐃᓪᖢᐊᖅᓴᐃᔨ Dr. W. A. Roche ᓄᖃᖅᑎᑕᐅᓂᖓᓄᑦ ᒐᕙᒪᑯᓂ ᐱᓕᕆᓂᖓᓂᑦ 1917−ᒥ ᐱᓕᕆᖁᔨᓕᖅᖢᑎᒃ ᐱᓕᕆᓪᓗᕆᒃ ᑐᒥᒃ ᐃᑲᔪᖅᑐᐃᔪᒥᒃ ᐱᓕᕆᔨ ᑲᑐᔨᖃᑎᒌᖕᓂᖏᓐᓄᑦ, ᐱᓕᕆᐊᖑᓕᓚᐅᖅᑐᑦ ᐊᓐᓂᐊᖅᑕᐃᓕᑎᑦᓯᔨᓄᑦ ᖃᐅᔨᓴᖅᑎ ᐱᓕᕆᓕᔨᐅᑉᓗᓂ ᐅᓐᓇᓕᕐᓂᒃ ᐱᓕᕆᕕᖕᒧᑦ, ᐱᓕᕆᐊᖑᕙᓚᐅᖅᑐᖅ ᓄᖃᖅᑎᑕᐅᑉᓗᓂ; ᑕᐃᒪᓕ ᖃᐅᔨᓴᖅᑎᑕᐅᓕᖅᖢᓂ ᐱᓕᕆᐊᖑᔪᑦ ᖃᓄᖅ ᐊᑐᖅᑎᒋᓕᕐᒪᖔᑖ ᐊᔪᕈᑎᒋᖃᑖᓚᐅᒐᐃᑦ ᐅᑭᐅᓂᒃ ᐊᒥᓱᓂᒃ.  ᓂᕆᐅᒋᖃᑖᑲᒥᓂᒃ ᑲᔪᓯᑎᑦᓯᔫᓗᐊᓕᖅᓗᓂ.

ᑎᑎᕋᖅᑐᖅ ᖁᕕᐊᒋᔭᖃᓚᐅᕐᓂᖅᐸᑦ ᐱᓕᕆᐊᖑᑦᓯᐊᖏᑦᑐᓂᒃ ᐅᑉᕙᓘᓃᑦ ᐱᓕᕆᖏᓗᐊᕐᓂᖓᓄᑦ ᐊᓂᐊᖅᑕᐃᓕᓂᕐᒧᑦ ᒥᓂᔅᑕᐅᔪᑉ ᐱᓕᕆᐊᖃᕐᓂᕐᒥᑦ ᐅᓇᓖᑦ ᐊᓐᓂᐊᖅᑕᐃᓕᓂᖏᓐᓄᑦ ᐱᓕᕆᐊᖑᖏᑐᓂᒃ, ᖃᐅᔨᓚᐅᖅᑐᖅ ᓂᕆᐅᖕᓂᖃᖏᓕᕐᒪᑦ ᐱᕚᓕᕈᑎᒃᓴᓂᒃ ᓄᑖᖅ ᒥᓂᔅᑕᐅᓕᖅᑐᖅ ᐃᓕᔭᐅᑎᓪᓗᒍ, ᐃᓕᖁᓯᖃᖅᑐᖅ ᐱᓕᕆᔨᐅᔪᑦ ᐊᒃᓱᕈᖅᑎᑕᐅᓂᖏᓐᓂᒃ, ᐃᑲᔪᖅᑎᐅᓂᕐᒥᒃ ᐊᕐᓇᐃᑦ ᐱᔪᖕᓇᐅᑎᖏᓐᓄᑦ, ᐊᒻᒪᓗ ᑲᓇᑕᐅᑉ ᓄᓇᓕᒡᔪᐊᖑᓂᖓᓄᑦ,  ᑖᑯᐊ ᑲᑎᖅᓱᒐᐅᓐᓂᑯᑦ ᖃᐅᔨᒪᔪᑎᑦ ᓱᓕᔪᑦ ᓇᓴᐅᑎᓕᕆᓃᓪᓗ ᑖᑯᐊ ᐃᓄᐃᑦ ᒥᐊᓂᕆᔭᐅᖏᓂᖏᓐᓂᒃ ᐊᒃᓱᕈᖅᑎᑕᐅᓂᖏᓐᓄᓪᓗ ᐃᓄᖁᑎᒋᔭᐅᑉᓗᑎ ᑲᓇᑕᒧᑦ, ᐊᑕᐅᓯᐅᖏᑯᑉ ᒐᕙᒪᐅᒧᑦ ᐊᖏᖃᑎᒋᑕᓚᐅᒐᐃᑦ ᒥᐊᓂᕆᓂᐊᕐᓂᕋᖅᖢᒋᑦ ᐊᒻᒪᓗ ᐃᑲᔪᕐᓂᐊᕐᓂᕋᖢᒋᑦ.

ᓂᕆᐅᖕᓂᖅ ᖃᐅᒪᔪᖅ ᓄᐃᑎᑕᐅᓚᐅᖅᑐᖅ, ᖃᐅᒻᒪᐃᔪᓪᓗᐊᖅᑐᖅ ᑖᖅᓯᑎᑕᐅᓯᒪᓚᐅᖅᑐᓂᒃ.  ᐃᓕᔭᐅᓕᖅᑎᓪᓗᒍ ᑲᑐᔨᖃᑎᒋᖕᓂᑯᑦ ᒐᕙᒪᐅᔪᖅ ᐊᔾᔭᖑᖅᑎᕆᓂᑯᑦ ᐱᓕᕆᐊᖃᖅᑐᑦᓴᓂᒃ, ᐊᒻᒪᓗ ᖃᐅᔨᓴᖅᑐᒃᓴᒥᒃ ᒥᐊᓂᖅᓯᔨᒃᓴᒥᒃ ᐱᒋᐊᖅᑎᑦᓯᑉᓗᑎᒃ, ᓯᑎᒃᑎᓐᓂᑰᓕᖅᑎᓪᓗᒋ ᐱᔪᑎᒋᑉᓗᒍ ᐱᖁᔭᖅ, ᓂᕈᐊᕐᓂᖅ ᐊᔪᓕᖅᓕᑉᓗᒋᑦ ᐊᒥᓱᑦ ᓄᓇᖃᑎᓂ, ᒥᓂᔅᑕᖑᖅᑎᑕᐅᑉᓗᓂ ᒐᕙᒪᑯᑦ ᐋᕿᒃᓯᒪᓂᖓᓂᒃ ᐊᐅᓚᑦᓯᓂᕐᒥᒃ.  ᐱᔪᖕᓇᕐᓂᖃᕈᐊᕐᓂᖅ ᐊᒻᒪᓗ ᐊᐅᓚᑦᓯᔪᒪᓂᕐᒧᑦ ᑎᑯᐊᖅᑕᐅᔪᓂᒃ ᓴᓚᒃᓴᖅᑑᓗᐊᕐᓗᓂ ᐱᓕᕆᐊᖑᔪᓂᒃ ᐊᓐᓇᑦᑐᐃᓂᕐᒥᑦ ᐅᓇᓪᓕᓂᒃ ᒪᓕᒐᐅᓪᓗᓂ ᐅᖃᐅᓯᐅᔪᖅ ᒪᓕᒐᓕᐅᖅᑎᒧᑦ Hon. A. Meighen, ᒪᓂᔅᑕᐅᓕᖅᑐᖅ ᐊᒻᒪᓪᓗ ᑲᓇᑕᒧᑦ ᐃᓱᒪᑕᐅᓕᖅᖢᓂ.  ᒪᓃᑦ 8, 1020, ᐃᓱᒪᒋᔭᐅᔪᑦ ᖃᑉᓯᐊᓂᖏᑦ ᐱᔪᑦ ᐅᓐᓇᓕᕐᓂᒃ ᐱᓕᕆᕕᐅᔪᒥᑦ ᒐᕙᒪᑯᓐᓂᑦ ᐱᔪᖅ, ᒪᒃᐱᖅᑐᕋᖅ 3275 ᑲᑎᒪᓐᓂᑯᓂ ᐅᖃᖅᑐᖅ:

ᒪᑲᓐᔨ, “ᑐᑭᓯᐊᕗᖓ ᑲᐱᐊᓇᕐᒪᑦ ᐅᓇᓪᓕᓄᑦ ᒍᕙᓪᓗᖕᓂᖅ ᐊᒻᒪ ᐃᓅᓯᐅᑉ ᐃᓕᖁᓯᖓ ᐊᓐᓂᐊᕐᓂᕐᒧᑦ ᑎᐊᓐᓇ ᑕᐅᑐᖃᓕᖅᑎᑕᐅᑎᓪᓗᒍ. ᖁᕕᐊᓱᒃᐳᖓ ᑭᓯᐊᓐᓂ ᓯᕗᓂᖓᓂ  ᐊᒻᒪ ᓅᑕᐅᓂᐊᕐᒪᓪᓗ ᐊᓐᓂᐊᖃᕐᓴᖏᑐᓕᕆᔨᒃᑯᓐᓄᑦ.”

ᒪᐃᔨᓐ, “ᐊᓐᓂᐊᖃᕐᓇᖏᑐᓕᕆᔨᑦ ᑭᓯᐊᓐᓂ ᐱᔪᖕᓴᕐᓂᖃᖏᒪᑕ ᐱᓕᕆᐊᕐᒥᑦ ᑎᒍᓯᓂᕐᒥᒃ ᐅᓇᓪᓕᓂ. ᑕᒻᓇ ᐱᖁᔭᒥᓯᐅᖏᒻᒪᑦ ᓴᕿᑎᑕᐅᓂᖓ ᐊᓐᓂᐊᖃᕐᓇᖏᑐᓕᕆᓕᐅᑉ. ᑕᒻᓇ ᐃᓚᐅᓚᐅᖏᑐᖅ ᐱᖁᔭᒻᒥ. ᐃᓱᒪᓚᐅᖏᓚᖓ ᐊᓐᓂᐊᖃᕐᓇᖏᑐᓕᕆᔨᑦ ᐱᓕᕆᐊᕆᔭᕆᐊᖃᕐᒪᔪᒃ ᐊᓯᐊᓐᓂᒃ ᑎᒥᑕᖃᕐᒪᑦ ᐱᓕᐱᐊᓕᖕᒥᒃ ᐊᕕᒃᓯᒪᔪᓐᓂ, ᐅᓇᓪᓕᑦ ᓄᓇᖏᓐᓂ ᐊᒻᒪ ᓇᒻᒪᖏᑐᒻᒥᒃ ᓴᕿᑐᖃᖅᓯᓇᕆᐊᖃᕐᒪᑦ ᐱᔪᖕᓇᕐᓂᖓᑦ ᑎᒍᔭᐅᒃᐸᑦ ᐊᐅᓚᑕᐅᓕᕐᓗᓂᓗ.”

ᐱᓛᓐ, “ᐳᕙᓪᓗᖕᓂᖅ ᐱᕙᓪᓕᐊᑐᐃᓐᓇᖅᐸ ᓄᖑᐸᓕᐊᓂᖅᓴᐅᓕᖅᐸᓘᕙ ᐅᓇᓪᓕᓂ? ”

ᒪᐃᔨᓐ, “ᑭᓯᐊᓐᓂ ᐅᖃᕐᓂᖅ ᐊᔪᖅᑐᖓ ᐊᐱᖁᑎᒋᔭᕐᓄᑦ. ᑭᓯᐊᓐᓂ ᖃᐅᔨᒪᓇᖏᑐᖅ ᐊᖏᓂᖅᓴᐅᓂᖓ ᐅᕙᓗᓂᑦ ᒥᑭᓂᖅᓴᐅᓂᖓᓐᓂᒃ.

ᑭᐅᔪᑎᖓᓐᓂ ᒥᓂᔅᑕᒻᒧᑦ ᐱᔫᒥᓵᕆᔪᑎᑕᖃᕐᒪᑦᒥᓂᔅᑕᐅᑉ ᑐᒡᓕᐊᓐᓂᑦ ᓇᓇᓗᐊᖏᑐᓐᓂᒃ ᐱᓕᕆᐊᒃᓴᓐᓂᒃ ᐊᓐᓂᐊᕐᓂᕐᒧᑦ ᐅᓇᓪᓕᑦ ᖃᐅᔨᓴᒐᐅᓚᐅᖅᑐᑦ. ᑕᒻᓇ ᓇᓗᓇᕈᑕᐅᔪᖅ ᐱᒋᐊᖅᐳᖅ ᐱᓕᕆᖃᑎᒋᖕᓂᖅ ᐃᓄᖕᓂᑦ ᐊᕕᒃᓯᒪᔪᓐᓂ ᐊᒻᒪ ᑲᓇᑕᐅᑉ ᒐᕙᒪᖏᓐᓂ ᐊᓐᓂᐊᑕᐃᓕᑎᑦᓯᔨᓐᓂᑦ ᑐᖓᕕᐅᖕᒪᑦ ᐱᒋᐊᖅᐸᓕᐊᓂᕐᒧᑦ.ᓇᓗᓕᕈᑕᐅᔪᖅ ᐃᓱᒪᒋᔭᐅᑉᓗᓐᓂ ᐃᓄᐃᑦ ᑲᑎᒪᓗᐊᖅᑕᖏᓐᓂᑦ ᑕᒻᓇ ᓇᒻᒪᖏᑲᓗᐊᖅᑎᓪᓗᒍ ᐱᓕᕆᖃᑎᒋᒃᑐᑦ ᑐᖓᕕᐅᑉᓗᓐᓂ ᓯᕗᒧᐊᖕᓂᖕᒧᑦ ᓯᓚᕐᔪᐊᕐᒥ ᖃᓄᐃᑕᐃᓕᓂᖏᑦ ᑭᓯᐊᓐᓂ ᐊᑕᐅᓯᑯᑦ ᑲᑐᔨᓗᑎᒃ ᓇᒻᒪᖕᓂᖅᓴᐅᑎᓪᓗᒍ> ᓯᕗᓕᖅᑎ ᐅᖃᓚᐅᒃᒪᑦ ᐃᑲᔪᖅᑐᐃᖏᓂᕐᒥᒃ ᑭᐅᔪᑕᐅᔪᒻᒥᑦ ᐃᔅᖢᐊᖅᓴᐃᔨ ᐱᓚᓐᒧᑦ ᐊᐱᖁᑎᖓᓐᓄᑦ, ᑭᓯᐊᓐᓂ ᐱᔪᑎᖃᕈᒋᑉᓗᒋᑦ ᐅᓇᓖᑦ ᐃᑲᔪᒐᐅᖏᓗᐊᕐᓂᖏᓐᓂᒃ ᐊᒪ ᐱᓂᓗᖏᓗᐊᕐᓂᖏᓐᓂᒃ ᐅᑕᕿᒥᐊᕐᒪᑕ ᐃᑲᔪᒐᐅᔪᑎᒃᓴᒥᖕᓂᒃ.

ᐊᑐᒐᒃᓴᒻᒥᒃ ᐳᕙᓪᓗᓂᕐᒧᑦ  $10.000 ᐅᑭᐅᑕᒫᑦ ᐊᑐᒐᐅᓂᐊᕐᓗᓐᓂ ᐅᓄᖅᑎᒋᔪᓐᓄᑦ 105,000 ᐅᓇᓪᓕᓄᑦ ᑲᓇᑕᓕᒫᒻᒥ ᐅᖓᑖᓂᓯᐅᕐᓗᑎᒃ ᐊᔨᖐᖏᑐᑦ 300 ᐅᓇᓖᑦ ᐋᑐᕚᒥᓯᐅᕐᓗᖓ ᑎᐊᓐᓇᑐᑦ ᐃᓄᒋᐊᒃᑎᒋᑉᓗᑎᒃ ᐱᖓᓱᓂᒃ ᐊᓐᓂᐊᕐᕕᖃᕐᓗᓐᓂ ᐊᑐᓚᐅᕐᒪᑦ $342,860.54 ᐅᑭᐊᖓᓐᓂ 1919 ᑭᓇᐅᔭᕐᓗ $33,364.70 ᑐᕌᖓᑉᓗᓐᓂ ᐳᕙᓪᓗᒃᑐᓐᓄᑦ. ᐊᒥᓱᓐᓂᒃ ᐊᔪᕈᑎᑕᖃᕐᑎᓪᓗᒍ ᐅᓇᓪᓕᓂ ᐅᖃᐅᓯᐅᓯᒪᔪᓂᒃ ᑭᓯᐊᓐᓂ ᐊᕿᒃᓂᓗᖕᓂᐊᕐᓗᒋᑦ ᓇᓗᓇᖏᑎᑕᐅᓕᐊᓂᒃᐳᑦ. ᓯᕗᓕᖅᑎ ᐅᖃᖅᓯᒪᓗᓐᓂ ᓇᒻᒪᖏᑐᓐᓂᒃ ᓴᖏᖏᓂᖅᓴᓂᒃᓗ ᑕᑉᑯᐊ ᐅᓇᓕᑦ ᐱᓕᕆᐊᖏᓐᓂᒃ ᐊᖏᕈᑎᖏᓐᓂ ᐊᑯᓂᖓᓂ ᐊᑎᓕᐅᖅᓯᒪᔪᑦ Shackmaxon ᐊᑯᓂᖓᓂ Wm. Penn ᐅᓇᓖᓪᓕ, ᐅᖃᐅᓯᐅᓗᑎᒃ ᖃᐅᔨᒪᔭᐅᑉᓗᓐᓂ ᐊᑭᕋᖅᑐᖅᑎᐅᓂᖏᓐᓄᑦ ᐊᒻᒪ ᐅᒃᐱᖅᑐᓂᕋᒐᐅᔪᑦ ᐊᖏᕈᑕᐅᓚᐅᖅᓯᒪᖏᒪᑕ ᓯᖁᒥᑕᐅᓚᖏᖢᑎᒃᓗ. “

ᒪᓕᒐᕐᓂᒃ ᓱᕈᐃᓂᖓᑦ ᐊᖏᓂᖓᓗ ᐅᓇᓪᓕᑦ ᐱᖁᔭᖓᓐᓂ ᑭᓯᐊᓐᓂ ᑐᓴᖅᑕᐅᑕᐃᓕᔪᖕᓇᕐᒪᑦ ᓱᓇᒻᒧᑦ ᐱᔪᑎᖓᓐᓂᒃ ᑐᑭᓯᓐᓇᖅᓯᒃᐸᑦ ᑲᑎᒪᓂᖓᓐᓂ ᑲᓇᑕᐅᑉ ᐳᕙᓪᓗᖕᓂᕐᒧᑦ ᑲᑐᔨᖃᑎᒌᑦ ᐅᑭᐅᑕᒫᑦ ᑲᑎᒪᓂᖓᓐᓂ ᐋᑦᑐᕙᒻᒥ ᒪᐊᑦᓯ 17th, 1922. ᐊᐅᓚᑦᓯᔨᖓᑦ ᐳᕙᓪᓗᒡᕕᐅᑉ Qu’Appelle ᓴᔅᑲᓱᐊᓐᒥ ᑐᓂᓯᓚᐅᕐᒪᑦ ᐱᔪᑎᖏᓐᓂᒃ ᖃᐅᔨᓴᕐᓂᐅᑉ  1575 ᐃᓕᓐᓂᐊᖅᑐᑦ ᓄᑕᖃᑦ ᑕᑉᑯᐊ ᐊᑐᒐᐅᒥᐊᓚᐅᕐᒪᑦᑕ. ᐅᖓᑕᓐᓂᓗ 175 ᓄᑕᖃᑦ ᐅᓇᓖᑦ 93 ᐳᓴᖏᑦ ᐳᕙᓪᓗᓚᐅᕐᒪᑕ ᐱᓕᕆᐊᖓᓄᑦ ᐃᓗᐊᖅᓴᐃᔨ ᓚᕙᑎ ᑎᑎᕋᓚᐅᕐᒪᓗ ᐃᐅᐳᐊᑕ ᐅᓇᓪᓕᑦ ᐃᓕᓐᓂᐊᕐᕕᖏᓐᓂᑦ ᐊᑐᖅᑎᓪᓗᒍ 1909.

ᑐᖁᓂᖓ ᖃᐅᔨᓴᒐᐅᖏᑕᐃᓐᓇᕐᒪᑦ ᓱᓇᒻᒧᑦ ᐱᖕᒪᖔᑦ ᐅᑭᐅᑦ 13 ᐃᓗᐊᓐᓂ ᑲᓇᑕᐅᑉ ᐃᓄᓕᕆᔨᖏᓐᓄᑦ, ᐃᓕᔭᐅᓯᒪᑉᓗᓐᓂ B. N. A. ᐱᖁᔭᖓᓐᓂ ᐱᓗᐊᖅᑐᒻᒥᒃ ᐅᓇᓪᓕᑦ ᐃᓄᖏᑦ, ᐊᒻᒪ ᐳᕙᓪᓗᖕᓂᐅᔪᒻᒥ ᖃᐅᔨᓴᖅᑎᑦ ᐃᓱᒪᓚᐅᕐᒪᑕ ᑕᑉᑯᐊ ᑕᑯᔭᐅᔭᕆᐊᖃᕐᓂᖏᓐᓂᒃ ᓄᑕᖃᑦ ᐊᕕᒃᓯᒪᔪᒻᒥ ᐅᕙᒍᖃᖅᑐᑦ.

EPILOGUE.

ᑕᒻᓇ ᐊᑯᓐᓂ ᐅᖃᐅᓯᐅᔭᕆᐊᖃᓚᐅᖅᑐᖅ ᐃᓄᖕᓄᑦ ᑐᓂᔭᐅᓕᕐᓗᓐᓂ; ᑭᓯᐊᓐᓂ ᐊᖏᕈᑎᒻᒥ ᐃᖃᓇᐃᔭᖅᑎᐅᓂᕐᒧᑦ “ᐱᔪᖕᓇᕐᓂᖃᖏᓗᖓ ᓱᓇᒥᐊᓐᓂᒃ ᐅᖃᐅᓯᖃᕐᓂᖅ ᐊᔪᖅᑎᑕᐅᓚᐅᖅᐳᖓ ᑐᓴᖅᑎᑦᓯᓗᖓᓘᓃᑦ ᑐᖁᖓᔪᓕᕆᔨᐅᓂᒻᒥ ᑲᓇᑕᐅᑉ ᒐᕙᒪᖏᓐᓂ. ” ᐅᑉᓗᒥ ᐃᓱᒪᖅᓱᖅᓗᖓ ᐅᖃᕈᖕᓇᓕᖅᐳᖓ, ᓄᖃᖓᓕᖅᑎᓪᓗᖓ ᐃᓄᖕᓄᑦ ᐱᔨᑦᓯᖅᑎᐅᓂᕐᒥ ᑎᑎᕋᕈᖕᓇᓕᕐᓗᖓᓗ ᐃᓚᒋᐊᕈᑎᖓᓐᓂᒃ ᐅᓂᑉᑳᖅᑐᐊᑉ. ᓇᓗᓇᐃᖅᓯᒪᖕᒪᑦ ᐊᕌᒍᒻᒥ 1918 ᐊᒻᒪ 1919 ᑐᓂᓯᓚᐅᖅᐳᖓ ᒥᓂᖦᑕᐅᓚᐅᖅᑐᒻᒧᑦ ᐅᐱᓐᓇᖅᑐᖅ ᔨ.ᒡᐃ. ᑯᒡᐅᑕᒻᒧᑦ ᐊᒻᒪ ᑲᑎᒪᔨᑦ ᐊᖓᔪᖃᖓᓐᓄᑦ, ᐅᐱᓐᓇᖅᑐᖅ ᐃᓐ.ᑕᐸᔫ. ᕉᕕᐅᓪᒧᑦ ᓴᕿᑎᑕᐅᓂᖓᓐᓂᒃ ᑲᓇᑕᐅᑉ ᒐᕙᒪᖏᑕ ᐊᓐᓂᐊᖃᕐᓇᖏᑐᓕᕆᔨᖏᓐᓂᒃ, ᓯᕗᓕᐅᑉᓗᓐᓂ ᒪᓕᒐᐅᓂᐊᖅᑐᖅ ᐱᖁᔭᖑᕐᓂᐊᕐᓗᓐᓂ ᑐᖓᕕᓕᐅᖅᑐᖅ ᐊᓐᓂᐊᖃᕐᓇᖏᑐᓕᕆᔨᓐᓂᒃ. ᑭᓯᐊᓐᓂ ᖁᕕᐊᓱᖏᖓ ᒥᓂᔅᑕᐅᑉ ᑐᖏᓕᖓ ᐆᒃᑐᕈᖕᓇᓚᐅᖅᑕᕋ ᐅᑭᐅᑦ 21 ᑐᖁᖓᔪᓕᕆᔨᐅᑉᓗᖓ ᐊᓐᑎᐊᕆᐅᓪᒥ ᐊᒻᒪ 15 ᐅᑭᐅᑦ ᑲᓇᑕᒧᑦ ᑎᑭᐸᓕᐊᔪᓐᓄᑦ ᐊᐅᓚᑦᓯᔨᐅᑉᓗᖓ ᑲᓇᑕᐅᑉ ᒐᕙᒪᖏᓐᓂ ᐊᓯᐊᓐᓄᑦ ᑐᓂᔭᐅᓚᐅᕐᒪᑦ, ᓯᓚᑕᓂᓯᐅᕐᒪᑦ ᑲᓇᑕᐅᑉ ᐃᖃᓇᐃᔭᖅᑎᖏᓐᓂ ᐊᒪ ᒪᓕᒐᖏᓐᓂᒃ ᓱᕋᐃᑉᓗᓐᓂ ᐃᓕᖁᓯᖅ ᐊᑐᖏᓕᕋᓗᐊᕐᓗᓐᓂ. ᐱᔪᑎᒋᔭᖓᑦ ᐃᓄᑐᖃᐅᓗᐊᕐᓂᕋ ᐱᒋᔪᑕᐅᑉᓗᓐᓂ ᑭᓯᐊᓐᓂ ᐅᖓᑕᓐᓂ 65 ᐅᑭᐅᖃᖅᑐᖅ ᑭᓇᐅᔭᓂᒃ ᖃᐅᔨᓴᖅᑎᒪᕆᖑᓚᐅᕐᒪᑦ ᐊᒻᒪ ᐅᖓᑕᖅᑐᒃᓴᓕᕆᔨ ᑎᑯᐊᒐᐅᑉᓗᓐᓂ ᐅᑭᐅᑕᒫᑦ $7.000 ᑕᒻᓇᓗ ᐅᑭᐅᖏᑦ ᐅᓄᕐᓂᖅᓴᐅᓕᕐᓇᕐᓕᐊᓗᑎᒃ. 

ᑲᔪᓯᓂᕐᒥᒃ ᐊᔪᕐᓇᕐᓂᐊᕐᒪᑦ ᓇᖕᒥᓂᖅ ᐃᓕᖁᓯᕋ ᐊᓯᐊᖑᖅᑕᐃᓕᓗᓐᓂ, ᐱᓕᕆᐊᖑᔭᕆᐊᖃᖅᑐᑦ ᑲᔪᓯᑎᑕᐅᓗᑎᒃ, ᐊᕌᒍᓐᓂᒃ 15ᖑᔪᓐᓂᒃ ᐱᓕᕆᐊᕆᓚᐅᑲᒃᑲ ᑐᖁᖓᔪᓕᕆᔨᐅᑎᓪᓗᖓ ᐊᐱᕆᑉᓗᖓᓗ ᐊᓯᐊᓐᓂᒃ ᐃᖃᓇᐃᔭᒐᒃᓴᒻᒥᒃ ᑐᓂᔭᐅᔪᒪᑉᓗᖓ. ᐅᖃᐅᓯᕆᔭᑲᓗ ᑐᑭᖃᕐᒪᑕ ᐅᑯᓇᖓᑦ ᑎᑎᖃᓐᓂᒃ ᑐᖓᕕᖃᕐᒪᑕ ᑐᕋᖅᑎᑕᐅᑉᓗᑎᒃ ᓄᑲᒻᓄᑦ ᐊᔪᕿᖅᑐᐃ ᖃᐅᔨᒪᔪᕐᔪᐊᖑᑉᓗᓐᓂᓗ Bryce, D.D., ᕕᓂᐱᖕᒥᐅᑕᐅᔪᖅ. ᑎᑎᖃᖅ ᕕᒃᑑᕆᐊᒻᒥᑦ ᒪᐊᑦᓯ 9th, 1920, ᑐᕌᖅᑐᖅ ᐅᕙᒻᓄᑦ ᐅᐱᓐᓇᖅᑐᒥᑦ ᒥᔅᑐ ᑲᐅᑕᓪ ᑭᐅᑉᓗᓐᓂ ᑎᑎᕋᓚᐅᕐᒪᑦ:-

“ᖁᕕᐊᓱᒃᐳᖓ ᐃᓱᒪᒋᔭᖓᓐᓂᒃ ᓄᖃᕐᒪᑦ ᐃᓕᖁᓯᐅᔪᒻᒧᑦ, ᖁᕕᐊᓱᒃᐳᖓᓗ ᐃᑲᔪᖅᑑᓗᐊᕐᓂᕐᓂᒃ. ᐊᓐᓂᐊᖃᕐᓇᖏᑐᓕᕆᔨᑯᑦ ᓴᕿᑎᑕᐅᓚᐅᕐᒪᑕ ᓄᑲᐃᑦ ᑎᑯᐊᖅᑕᐅᓚᐅᕐᒪᑦ ᒥᓂᔅᑕᐅᑉ ᑐᖏᓕᕆᓂᐊᕐᓗᓂᐅᒃ, ᐅᑉᓗᒥᒻᒧᑦ ᐊᕌᒍᖃᕐᓂᖓᓐᓂ ᑭᓯᐊᓐᓂ, ᑲᑎᒪᔨᑦ ᐃᓱᒪᓚᐅᕐᒪᑕ ᑎᑯᐊᒐᐅᔭᕆᐊᖃᕐᓂᖓᓐᓂᒃ. ᒐᕙᒪᒃᑯᑦ ᐊᑕᐅᓯᐅᖏᑐᒻᒥᒃ ᐊᑐᕈᖕᓇᓚᐅᕐᒪᑕ ᐊᐱᖁᑎᖃᕐᓗᑎᒃ ᓄᑲᕐᓂᒃ ᐊᓯᖏᓐᓄᑦ ᐱᔨᑦᓯᖅᑎᐅᖁᑉᓗᒍ ᖁᓚᖏᓚᖓᓗ ᐊᕿᒃᑕᐅᓯᒪᖕᒪᑦ ᑭᖑᓂᖓᓐᓂ ᑲᔪᓯᑎᑕᐅᓕᕐᓗᓐᓂ. ᒪᓴ ᐊᓐᓂᐊᖃᕐᓇᖏᑐᓕᕆᔨᓂᓯᐅᓕᕐᒪᑦ ᐃᓱᒪᑕᖏᓐᓂ ᑕᐃᑲᓂᓯᐅᖅᑐᐃᓇᕈᖕᓇᕐᓗᓂᓗ ᐊᑭᒥᐊᓐᓂ ᐊᖏᖅᓯᒪᓚᐅᖏᒻᒪᑦ. ᐊᓯᐊᓐᓂ ᐊᕿᒃᑕᐅᓯᒪᓂᖓᓐᓄᑦ, ᑲᔪᓯᔪᖕᓇᓚᐅᖅᐳᖅ.

ᐊᑎᓕᐅᖅᑕᖓ, J. A. Calder.

ᓂᖓᒃᓯᒪᔪᑎᒋᔭᕋ ᖃᓄᐃᓕᐅᖅᑕᐅᓂᒻᓄᑦ ᐃᓱᒪᓇᓗᐊᖏᑐᖅ ᑕᒻᓇᑕᐃᓐᓇᖅ Mr. Calder ᐱᒋᐊᖅᑎᑦᓯᓚᐅᕐᒪᑦ ᐱᖁᔭᒻᒥᒃ ᑕᐃᑉᓱᒪᓐᓂ 1920, ᐊᑎᖃᖅᑎᑕᐅᑉᓗᓐᓂ Calder Act, ᐊᑐᐃᓐᓇᐅᑎᑦᓯᑉᓗᓐᓂ “ᐱᓕᕆᐊᖏᓐᓂᒃ ᓄᖃᖅᑎᑕᐅᓂᖏᓐᓄᑦ ᐱᔨᑦᓯᖅᑎᐅᔪᑦ. ” ᑕᒻᓇ ᐱᖁᔭᖅ ᑎᑎᕋᖅᓯᒪᕗᖅ ᓄᖃᖓᑎᑕᐅᓂᐊᖅᑐᑦ ᑐᓂᔭᐅᓂᐊᕐᒪᑕ 1/60 ᑮᓇᐅᔭᓕᐊᖏᓐᓂᒃ ᐅᑭᐅᑕᒫᑦ. ᑕᐃᒪ ᓯᑉᑕᒻᐸᒻᒥ 17th Sept. 1920, ᓄᖃᖁᔭᐅᓕᓚᐅᖅᐳᖓ ᐱᓕᕆᐊᒻᓂᑦ ᐱᖁᔭᖅ ᒪᓕᒃᓗᒍ. ᐅᑯᐊᓗ ᐱᔪᑕᐅᓂᕋᒐᐅᑉᓗᑎᒃ ᑎᑎᖃᒻᒥ ᑐᓂᔭᐅᓂᒻᓄᑦ:-

” ᐊᕕᒃᓯᒪᓂᖓ 2 (8).  ᐊᕿᒃᑕᐅᓯᒪᒃᐸᑦ ᓄᖃᖅᑎᑕᐅᓂᐊᕐᓗᓐᓂ ᑭᓇᑐᐃᓐᓇᕐᒥᒃ ᐱᖁᔭᓐᓂ, ᑎᑎᕋᖅᓯᒪᑉᓗᓐᓂ ᐱᔪᑎᖏᓐᓂᒃ ᑕᒻᓇ ᐃᓄᒃ ᓄᖃᕐᓂᐊᖅᑐᖅ ᐱᔪᖕᓇᐅᑎᖃᕆᐊᖃᖅᐳᖅ ᓴᑐᐃᔪᒪᓗᓐᓂ ᑲᒥᓴᓐᑯᓐᓄᑦ ᑕᒻᓇ ᐃᓄᒃ ᐅᖃᖅᑎᑕᐅᓚᐅᕐᓗᓐᓂ ᐅᓂᑉᑲᒻᒥᒃ ᑎᑎᕋᕆᐊᖃᖅᐳᑦ ᑲᑎᒪᔨᕐᔪᐊᕐᓄᑦ ᑕᒻᓇᓗ ᑭᖑᓂᖓᒍᑦ ᐱᓕᕆᐊᖑᑲᓂᖏᓕᕐᓗᓐᓂ. “


ᖃᐅᔨᒋᐊᑲᓂᓚᐅᕋᒻᒪ ᐅᖃᖅᓯᒪᑉᓗᓐᓂ ᐱᔪᑎᒃᓴᖅᑕᖃᖏᒻᒪᑦ ᐊᑎᓕᐅᖅᓯᒪᔪᒻᒥᒃ ᐱᖁᔭᓐᓂ, ᐊᒻᒪ ᐅᑉᓗᒥ ᓱᓕ ᐊᖑᔪᖃᖑᖕᓗᖓ ᑐᖁᖓᔪᓕᕆᔨᓂ ᑲᓇᑕᐅᑉ ᐃᓄᓕᕆᔨᖏᓐᓂ ᑎᑎᕋᖅᓯᒪᑉᓗᓐᓂ ᑲᑎᒪᔨᕐᔪᐊᖏᓐᓂ ᑕᐃᒪᖓ 1904.

ᑐᑭᓯᔭᐅᑲᓂᕈᒪᓂᒻᓂ ᐅᖃᓕᒫᓐᓂ ᑎᑎᕋᖅᑐᖃᓚᐅᕐᒪᑦ ᔪᓐᓂ 8th, 1921. ᑕᒻᓇ ᐱᓕᕆᐊᖑᖕᒪᑦ ᐋᕿᒋᐊᕈᑎᖏᓐᓂ ᑲᐅᑕᓪ ᐱᖁᔭᖏᓐᓂ:

ᒥᔅᑐ ᕕᐅᑎᖕ: ᐅᕙᒻᓄᑦ ᐱᓕᕆᐊᖑᔪᑦ ᑐᓂᔭᐅᓯᒪᖕᒪᑲ ᓯᕗᓂᖓᓂ ᐊᕌᒍᒐᓴᐃᑦ, ᐃᓚᖏᓪᓗ ᐅᑭᐅᖁᖅᑐᓗᐊᕋᓱᒋᔭᐅᑉᓗᑎᒃ ᑭᓯᐊᓐᓂ ᐅᕙᖓᐅᖏᑐᖅ, ᐅᖃᐅᑎᔭᐅᑉᓗᑎᒃ ᓄᖃᖓᓂᕆᓂᐊᖅᑕᖏᓐᓂᒃ ᑭᓯᐊᓐᓂ ᓈᒻᒪᑎᐊᕐᒪᑕ ᐃᓅᓯᖏᓐᓂ ᓴᖏᔫᑉᓗᑎᒃᓗ, ᐃᓱᒪᒃᑯᑦ ᑎᒥᒃᑯᓪᓗ, ᐱᓕᕆᔪᖕᓇᑎᐊᖅᖢᑎᒃ. ᖃᓄᖅ ᑕᐃᒪ ᑕᒻᓇ ᐱᓕᕆᐊᖑᓕᕋᔭᖅᐸ?

Mr. Calder: ᑐᓴᖅᑎᑕᐅᔪᖃᓚᖏᑐᖅ ᑭᓯᐊᓐᓂ ᐊᖏᖅᑕᐅᓯᒪᑎᐊᖅᑐᒻᒧᑦ ᐃᓅᓯᖓ ᑕᐅᑐᒐᐅᓗᓐᓂ ᓄᖃᖅᑎᑕᐅᔭᕆᐊᖃᕐᓂᖓᓐᓄᑦ

Mr. Calder: ᑕᒻᓇ ᐱᓕᕆᐊᖑᓯᒪᑉᓗᓐᓂ ᓯᕗᓂᖓᓂ ᒪᓕᒐᕐᓄᓪᓗ ᐊᑐᖅᑕᐅᓚᐅᕐᓗᓐᓂ ᐊᕌᓂᐅᓚᐅᖅᑐᖅ. ᐅᑭᐅᖃᕐᓂᖓ ᑭᓯᐊᓐᓂ ᐃᓱᒪᒋᔭᐅᓚᐅᖏᑐᖅ ᐱᔪᑕᐅᓇᓱᒋᔭᐅᑉᓗᓐᓂ.

ᑭᓯᐊᓐᓂ ᐅᖃᓚᐅᕐᒪᑦ ᐃᔅᓗᐊᖅᓴᐃᔨ W. A. Roche, ᐃᒃᓯᕙᐅᑕᐅᓕᖅᑐᖅ ᐱᔨᑦᓯᖅᑎᑦ ᑲᒥᓴᖏᓐᓂ ᐅᑭᐅᑦ ᐃᓗᐊᓐᓂ 1913-17 ᑲᔪᓯᑎᐊᓚᐅᖏᓂᖓᓐᓄᑦ ᐊᑐᓚᐅᖏᒪᒋᑦ ᐱᓕᕆᐊᒃᑲ ᐃᓱᒪᑕᐅᓂᖓᓐᓂ ᐃᓄᓕᕆᔨᑐᖃᒃᑯᑦ ᑭᓯᐊᓂ ᐊᑐᕆᐊᖃᕋᓗᐊᕐᒪᑕ ᐃᖃᓇᐃᔭᕐᕕᖓᓐᓂ. ᑲᔪᓯᑎᐊᓚᐅᖏᑐᖅ ᐊᖏᕈᑎᒋᖁᓚᐅᖅᑕᕋ; ᓄᖃᖅᑎᑕᐅᓂᕋᓗ ᑲᔪᓯᑎᑕᐅᓕᓚᐅᖅᐳᖅ ᐱᔨᑦᓯᖅᑎᐅᓂᒻᓂ ᐊᒻᒪ ᑎᑎᖃᓐᓂ ᑲᑎᒪᔨᕐᔪᐊᕐᓂᑦ ᑐᓂᔭᐅᓕᓚᐅᖅᐳᖓ:

ᐋᑐᕚᒻᒥ, 14th ᕕᑉᕈᐊᕆ, 1921.

ᑲᑎᒪᔨᐊᓛᑦ ᐱᖃᕐᒪᑕ ᐅᓂᑉᑳᒻᒥᒃ, ᐅᑉᓗᖃᕐᓗᓐᓂ ᕕᑉᕈᐊᕆ 1st, 1921, ᐃᓇᖐᓯᒪᔪᒻᒥᒃ ᑎᑎᕋᕐᕕᒡᔪᐊᖓᓐᓂᑦ, ᐃᓄᒥᐊᑦ ᐱᔨᑦᓯᖅᑎᖏᑕ ᑲᒥᓴᖓᓐᓂᑦ:

ᒪᓕᒃᓗᑎᒃ ᐃᓗᓕᖏᓐᓂᒃ Cap. 67, 10-11 George V. “An Act ᐊᑐᐃᓐᓇᐅᑎᑦᓯᓂᐊᕐᓗᑎᒃ ᓄᖃᖅᓯᒪᓕᕐᓂᖓᓐᓂᒃ ᐃᓚᖏᓐᓂᒃ ᐱᔨᑦᓯᖅᑎᐅᔪᑦ: ᐱᔨᑦᓯᖅᑎᑦ ᖃᑉᓗᓈᒥᐊᓐᓂᑦ ᐅᖃᓚᐅᕐᒪᑕ ᐃᔅᖢᐊᖅᓴᐃᔨ P. H. Bryce ᐊᓐᓂᐊᕐᓇᖏᑐᓕᕆᔨᑯᓐᓂᒃ ᐋᑐᕚᒻᒥ ᒥᓂᔅᑕᐅᑉ ᑐᒡᓕᖓ ᓄᖃᕐᓂᐊᓕᕐᒪᑦ: ᑎᑎᕋᖅᓯᒪᖕᒪᑦ ᐊᕕᒃᓯᒪᓂᖓᓂ 2 (3) ᐱᖁᔭᐅᑉ ᑐᓵᑎᑕᐅᓚᐅᕐᒪᑦ ᑭᓯᐊᓐᓂ ᑲᔪᓯᖁᔭᐅᓚᐅᖏᒻᒪᑦ ᐆᒃᑐᑲᓐᓂᕐᓂᕆᔭᖓ, ᓄᖃᖓᓕᕐᓂᖓ ᐊᑐᕆᐊᕐᓂᐊᕐᓗᓐᓂ 1st ᒪᐋᑦᓯ, 1921. ᐃᔅᖢᐊᖅᓴᐃᔨ ᐳᕋᐃᔅ ᐃᓅᓚᐅᕐᒪᑦ ᐊᐅᒍᓯ 17th, 1853, ᐅᑭᐅᖃᓕᓚᐅᕐᓗᓂᓗ 77−ᓂᒃ. ᑎᑯᐊᒐᐅᓚᐅᕐᒪᑦ ᐱᔨᑦᓯᖅᑎᐅᓂᐊᕐᓗᓐᓂ ᕕᑉᕈᐊᕆ 1st, 1904, ᐊᑕᐃᓐᓇᕐᓂᐊᓕᕐᓗᓂᓗ ᓯᑉᑕᒻᐸ lst, 1908, ᐱᔨᑦᓯᖅᑎᐅᓂᖓ ᐊᑯᓂᐅᑎᒋᓕᓚᐅᕐᒪᑦ 17 ᑕᕿᑦ ᐊᒻᒪ ᐊᑕᐅᓯᖅ ᑕᕿᖅ ᐱᒋᐊᕐᓗᓐᓂ  1st ᒪᐋᑦᓯ, 1921, ᐅᑉᓗᖓ ᓄᖃᖓᓂᐊᓕᕐᓗᓐᓂ ᑕᒻᓇ ᐊᑐᕆᐊᖃᔭᐅᓕᓚᐅᕐᒪᑦ.”

ᐃᖃᓇᐃᔭᒻᓂ ᓄᖃᖓᓕᕐᓗᖓ ᒪᐊᑦᓯ 1921 ᑲᓇᑕᐅᑉ ᒐᕙᒪᖏᓐᓂ ᐊᕌᒍᓐᓂᒃ ᐃᓚᔭᐅᓯᒪᖏᓗᖓᓗ ᐃᖃᓇᐃᔮᒻᒥ ᐋᑐᕚᒻᒧᑦ ᓅᑎᑕᐅᓚᐅᖅᐳᖓ ᖃᐅᔨᒪᓂᕋᒐᐅᑉᓗᖓ ᐊᕌᒍᓐᓂ 22ᓂᒃ ᐊᓐᑎᐊᕆᐅᓪ ᐊᓐᓂᐊᕐᕕᖏᓐᓂ ᐃᖃᓇᐃᔭᕐᓂᑰᑉᓗᖓ, ᐊᑐᐃᓐᓇᐅᑎᑕᐅᓚᐅᕐᒪᑦ ᐊᑭᓕᐅᓯᐊᖅᑎᑦᓯᔨᑦ ᐱᖁᔭᖏᓐᓂ 1870 ᐊᖏᑕᐅᓂᑯᓐᓂ. ᐊᑭᓕᐅᓯᐊᓚᐅᖏᓚᖓ ᓱᓕ ᐊᕌᒍᓐᓂᒃ ᐃᖃᓇᐃᔭᓕᕋᓗᐊᕐᓗᖓ.

ᖁᕕᐊᓇᖏᑐᖅ ᑲᑎᒪᔨᕐᔪᐊᖏᓐᓂ ᑲᓇᑕᐅᑉ ᑕᑯᓐᓇᕐᓂᐊᕐᒪᑦ ᑎᐊᓴᑐᑦ ᐊᖏᖅᑕᐅᔪᖃᓚᐅᕐᒪᑦ ᒪᐃ 18, 1921, ᓄᖃᖅᑎᑦᓯᑉᓗᑎᒃ 231 ᐃᓄᖕᓂᒃ ᓄᓇᓕᐅᑉ ᐊᓯᐊᓐᓂᑦ ᐃᑳᕈᒪᔪᓐᓂᒃ ᖃᐅᔨᓴᖅᑎᐅᓚᐅᖅᑐᑦ ᐊᕌᒍᖃᓕᕌᖓᑕ ᐅᖓᑖᓐᓂ 65; ᑭᓯᐊᓐᓂ ᐅᑎᑲᓂᖁᔭᐅᓚᐅᕐᒪᑕ ᓈᒻᒪᒃᓴᖏᑐᖃᓕᕐᒪᑦ ᐃᖃᓇᐃᔮᖏᓐᓂ ᑲᔪᓯᑎᐊᓚᐅᕋᓗᐊᕐᒪᑕ. ᑕᑉᑯᐊ ᐅᓄᖅᑐᒪᕆᐊᓗᐃᑦ ᐊᓯᖏᓐᓂᒃ ᐃᓚᖃᕐᓗᑎᒃ ᑭᓯᐊᓐᓂ ᐃᖃᓇᐃᔭᕐᕕᖕᓂᑦ ᐊᓯᐊᓂᑦ ᐅᑉᓗᒥ ᓱᓕ ᐃᖃᓇᐃᔭᕐᒪᑕ.

ᐃᓱᒪᕗᖓ ᑕᑉᑯᐊ ᐅᖃᓕᒫᕐᓗᒋᑦ ᑐᑭᓯᑲᓂᕈᒪᓂᖅ ᐊᖏᖅᑕᐅᒍᒻᒪ ᑐᖃᖓᔪᓕᕆᔨᐅᓂᕐᒧᑦ ᑲᓇᑕᐅᑉ ᒐᕙᒪᖏᓐᓂ ᐅᒃᐱᕈᓱᒃᐳᖓᓗ ᑐᒃᓯᕋᕈᖕᓇᕋᒻᒪ ᐊᑯᓂᐅᔪᒻᒥᒃ ᖃᐅᔨᓴᕐᓂᖃᕐᓗᓐᓂ ᐊᔪᕈᑕᐅᔪᖅ ᑎᑎᕋᖅᓯᒪᔪᓐᓂᓯᐅᕐᓗᓐᓂ ᑕᑉᑯᐊ ᐊᓐᓂᐊᕐᑕᐃᓕᓃᑦ  ᐊᔪᖅᓴᖏᓐᓃᓗ 100,000 ᐅᓇᓪᓕᑦ ᒥᐊᓂᖅᓯᔨᐅᑉᓗᑎᒃ ᓄᓇᖁᑎᒥᖕᓂᒃ ᐲᖅᑕᐅᖁᑉᓗᒍ.

ᑕᐃᒪᖓᑦ ᐃᑦᕗ ᑕᐃᒪᐅᓚᐅᕐᓗᓐᓂ, ᐃᓄᐃᑦ ᐊᑐᖅᐸᓚᐅᕐᒪᑕ ᐃᓕᖁᓯᕐᒥᖕᓂᒃ ᐊᔪᖏᔪᑎᖏᓐᓂᒃ ᓯᕗᓂᕐᒧᑦ ᐃᓕᓯᑉᓗᑎᒃ ᐃᓱᒪᑕᕐᒧᑦ ᑲᑎᒪᑉᕕᒡᔪᐊᕐᒧᓪᓗ. ᐅᑉᓗᒥ ᑭᓯᐊᓐᓂ ᐅᐱᒍᓱᒃᓗᑎᒃ ᐅᓇᓪᓕᓂᒃ ᑲᓇᑕᒻᒥ ᐃᓕᓯᕙᒃᐳᑦ ᐊᖓᔪᖄᕐᔪᐊᕐᒧᑦ ᑭᒐᖅᑐᖅᑎᖓᓐᓄᑦ ᑲᑎᒪᑉᕕᒡᔪᐊᖓᓐᓂ ᑲᓇᑕᐅᑉ, ᐱᓕᕆᐊᖑᓂᐊᕐᒪᑦ ᓈᒻᒪᖕᑐᒻᒥᒃ ᑕᐃᑉᑯᓄᖓ ᐊᒻᒪ ᐅᕙᒻᓄᑦ.

P. H. BRYCE.

National-CrimeDownload