How to Read a Quarterly Return in Inuktitut
By: Kaila Johnston
Kaila Johnston
Contributing Writer
As the Supervisor of Education, Outreach, and Public Programming at the National Centre for Truth and Reconciliation, Kaila oversees matters related to the support of educators, development of resources, establishment of outreach initiatives, as well as public engagement on residential schools and their legacy. Prior to joining the NCTR, Kaila worked with the TRC as a statement gatherer and coordinator to support statement gathering activities. She holds a BA (Hons.) in Criminal Justice from the University of Winnipeg and a MSc in International Crimes and Criminology from Vrije Universiteit, Amsterdam. Kaila is Cree and was born and raised in Winnipeg, Manitoba.
ᖃᓄᖅ ᐅᖃᓕᒪᒐᓴᐅᕙᑦ ᐅᑭᐅᖅ ᓯᑕᒪᐃᕐᓗᑎᒃ ᖃᐅᔨᒪᔪᑎᒃᓴᑦ?
ᑲᐃᓚ ᔮᓐᓴᓐ
ᓱᓇᐅᕙᑦ ᐅᖃᓕᒪᒐᓴᑦ ᐅᑭᐅᖅ ᓯᑕᒪᐃᕐᓗᑎᒃ ᖃᐅᔨᒪᔪᑎᒃᓴᑦ?
ᐅᑭᐅᖅ ᓯᑕᒪᕐᓗᓂ ᖃᐅᔨᒪᔪᑎᒃᓴᑦ ᑭᓇᐅᔭᓕᕆᓐᓂᑰᕗᑦ ᑎᑎᕋᖅᓯᒪᑉᓗᑎᒃ ᐃᓕᓐᓂᐊᕆᐊᖅᓯᒪᔪ ᐃᓕᓐᓂᐊᕕᖕᓂ ᐊᖏᕋᕆᔭᐅᔪᓂ. ᐃᓕᓐᓂᐊᕐᕕᖕᒥ ᐊᖏᕋᕆᔭᐅᔪᒥ ᐱᓕᕆᔨᑦ ᑕᑯᐊ ᑕᑕᑎᒐᒃᓴᑦ ᑕᑕᑎᐸᓚᐅᒐᐃ ᐅᑭᐅᖅ ᓯᑕᒪᐃᖅᖢᒍ (ᒪᔨ 31, ᔪᓐ 30, ᓯᑎᐱᕆ 30 ᐊᒻᒪᓪᓗ ᑎᓯᐱᕆ 31) ᐊᐅᓚᖅᑎᓪᓗᒋᓪᓗ ᒐᕙᒪᑯᒃ ᑲᓇᑕᒥ ᑎᑎᕋᕐᕕᐊᓐᓄᑦ ᖃᐅᔨᒪᓂᐊᕐᒪᑕ ᖃᑉᓯᑦ ᐃᓕᓐᓂᐊᕆᐊᖅᓯᒪᖕᒪᖔᑖ ᐃᓕᓐᓂᐊᕕᖕᓂ ᐊᖏᕋᕆᔭᐅᔪᓂ. ᖃᑉᓯᐅᓂᖏᑦ ᐃᓕᓐᓂᐊᖅᑐᑦ ᐃᓕᓐᓂᐊᕐᕕᖕᓂ ᐊᒻᒪᓪᓗ ᖃᓄᖅ ᐃᓕᓐᓂᐊᕐᕆᐊᑕᕐᓂᖏᑦ ᒪᓕᒡᓗᒋᑦ ᐃᓕᓐᓂᐊᕖᑦ ᑭᓇᐅᔭᖏᒃ ᑐᓂᔭᐅᕙᒃᑐᑦ.
ᑭᓇᐅᔭᑦ ᑐᓂᔭᐅᔪᑦ ᒐᕙᒪᑯᓐᓂᑦ ᐊᑐᒐᐅᖁᔭᐅᕙᓪᓚᐅᖅᑐᖅ ᐃᓕᓐᓂᐊᕕᐅᑉ ᐋᕿᐅᒪᓂᖓᓐᓄᑦ, ᑭᓇᐅᔭᓕᐊᕆ.ᔭᐅᔪᓐᓄᒃ ᐱᓕᕐᕆᔨᓄᑦ, ᐊᒻᒪᓪᓗ ᐊᑭᓕᒐᒃᓴᓄᑦ (ᓂᕿᑦ, ᐊᓐᓄᕌᑦ, ᐊᓯᖏᓪᓗ) ᐃᓕᓐᓂᐊᕐᕕᖕᒥ. ᐃᓕᓐᓂᐊᕕᖕᓂ ᐊᖏᕋᕆᔭᐅᔪᓂ ᐊᐅᓚᓂᖏᑦ ᑭᓇᐅᔭᓄᑦ ᐊᒥᒐᖅᑐᓄᑦ ᐊᐅᓛᖅᐸᓚᐅᖅᑐᑦ ᐱᓕᕆᔨᑦ ᑭᓇᐅᔭᓂᒃ ᒥᑭᓗᐊᖅᑐᓂᒃ ᐊᑭᓕᖅᑕᐅᑕᕐᓂᖏᓐᓄᑦ, ᐊᐅᓛᖅᐸᒃᖢᑎᒃ ᑐᓂᔭᐅᓂᑯᓄᑦ, ᐊᒻᒪᓪᓗ ᐃᓕᓐᓂᐊᖅᑐᑦ ᐱᓕᕆᖃᑕᐅᑕᕐᓂᖏᓐᓄᑦ.
ᑭᓇᐅᔭᑦ ᐊᑐᒐᒃᓴᑦ ᑐᓂᔭᐊᕙᖏᑯᑦ ᑭᓯᐊᓂ ᐅᑭᐅᖅ ᓯᑕᒪᐃᕐᓗᒍ ᖃᐅᔨᒪᔪᑎᒃᓴᑦ ᑐᓂᔭᐅᒐᓂᑳᖓᑕ ᒐᕙᒪᑯᓐᓄᑦ. ᐊᒥᓲᓂᖏᑦ ᒪᓕᒃᖢᖏᑦ ᑭᓇᐅᔭᑦ ᑐᓂᔭᐅᔪᑦ ᐊᕿᒃᓯᒪᑕᓚᐅᖅᑐᑦ ᐃᓕᓐᓂᐊᖅᑐᑦ ᐃᓕᓐᓂᐊᕆᐊᖅᑕᕐᓂᖏᑦ ᒪᓕᒡᓗᒋᑦ ᐅᑭᐅ ᓯᑕᒪᐃᖅᖢᒍ.
ᐅᓇᑐᑦ:
ᐃᓅᓱᒃᑐᖅᑕᖃᕐᒪᑦ 154−ᓂᒃ ᐊᒻᒪᓪᓗ 164 ᓂᕕᐊᖅᓯᐊᑦ, ᑲᑎᓪᖢᒋᑦ 318−ᖑᑉᓗᑎᒃ ᑳᒻᓗᑉ ᐃᓕᓐᓂᐊᕐᕕᐊᓂ ᐊᖏᕋᕆᔭᐅᔪᒥ. 1947−ᒥ, ᐃᓕᓐᓂᐊᑦᑐᒧᑦ ᐊᑕᐅᓯᕐᒧᑦ ᑭᓇᐅᔭᖅ ᐊᑐᒐᒃᓴᖅ $195−ᖑᑉᓗᓂ ᐅᑭᐅᖅ ᐊᑕᐅᓯᖅ (0.53 ᓯᓐᑦ ᐅᑉᓗᖅ ᐊᑕᐅᓯᖅ).
ᐃᓪᓗᐃᑲᐅᓪᓗᓂ (ᑲᑎᓪᓗᒋᑦ) ᐅᑉᓗᑦ ᐃᓕᓐᓂᐊᖅᑐᑦ ᐃᓕᓐᓂᐊᕐᕆᐊᖅᑕᓚᐅᕐᓂᖏᑦ ᔭᓄᐊᕆᒥᑦ ᒫᔨ ᑎᑭᓪᓗᒍ 27,410-ᖑᑉᓗᓂ. ᐃᓕᓐᓂᐊᖅᑐᑦ ᐃᓕᓐᓂᐊᕆᐊᖏᓐᓇᖅᐸᑕ ᑭᓇᐅᔭᑦ 28,620 −ᖑᓇᔭᖅᑐᑦ (90 ᐅᕐᓗᑦ 318 ᐃᓕᓐᓂᐊᑦᑐᑦ).
ᐃᓪᓗᐃᑲᐅᓗᓐ (ᑲᑎᓪᓗᒋᑦ) ᐅᑉᓗᑦ ᐊᒥᓲᓂᖏᑦ ᐃᓕᓐᓂᐊᖅᑐᑦ ᐊᕕᒡᓗᒋᑦ ᐅᑉᓗᑦ ᖃᑉᓯᐅᓂᖏᓐᓄᑦ ᓯᑕᒪᐃᕐᓗᓂ ᐊᕕᒡᓗᒍ. ᐅᑉᓗᑦ 90−ᐅᖕᒪᑕ ᔭᓄᐊᕆᒥᑦ ᒫᔨᒧᑦ ᑐᑭᖃᖅᓗᓂ ᐃᓗᓐᓂᐊᕆᐊᖅᑕᖅᑐᑦ ᐃᓕᓐᓂᐊᖅᑐᑦ ᑕᒡᕙᓂ ᐊᕕᒃᓯᒪᔪᒥ 304.55-ᖑᖕᒪᑕ ᑭᓯᐊᓂ ᐃᓕᓐᓂᐊᕐᑯᖕᒧᑦ ᑐᓂᔭᐅᔪᓪᓗᐊᖅᑐᖅ 285 ᐃᓚᓗᒍ ᖁᓕᓂᒃ ᐅᑉᓗᓂᒃ. ᑖᒻᓇ ᓈᓴᐅᑦ ᐊᖏᒡᓕᒋᐊᕐᓗᒍ ᑭᓇᐅᔭᑦ ᑐᓂᔭᐅᔪᑦ $14,381.25-ᖑᓇᔭᖅᖢᑎᒃ.
ᐃᓕᓐᓂᐊᖅᑐᑦ 318 ᐃᓕᓐᓂᐊᖏᓐᓇᖅᐸᑕ ᑐᓂᔭᐅᔪᖅ $48.75 ᑭᓇᐅᔭᑦ 318−ᖏᕐᓗᒍ ᑲᑎᓪᓗᑎᒃ $15,502.50. ᐊᔨᒌᖏᓂᖓ $1,121.25-ᖑᓇᔭᖅᖢᓂ.
ᐃᓕᓐᓂᐊᕆᐊᖅᓯᒪᔪᑦ ᐊᒻᒪᓪᓗ ᐅᑉᓗᑦ ᐃᓕᓐᓂᐊᕐᓂᑯᑦ ᑲᑎᓪᓗᒋ ᑭᓇᐅᔭᖅ ᑐᓂᔭᐅᓂᐊᖅᑐᑦ ᐋᖀᒐᐅᕙᓚᐅᖅᑐᑦ.
ᖃᓄᖅ ᐅᖃᓕᒫᕐᓂᐊᖅᐱᒍ ᐅᑭᐅᖅ ᓯᑕᒪᕐᓗᓂ ᑎᑎᕋᖅᑕᐅᓐᓂᑯᑦ?
ᐋᕿᒃᓯᒪᓂᖓ ᐅᑭᐅᖅ ᓯᑕᒪᕐᓗᓂ ᑎᑎᕋᖅᑕᐅᕙᒃᑐᑦ ᐊᕿᒃᓯᒪᓂᖓ ᒪᓕᒃᑐᖅ ᖃᖓᐅᓂᖓᓂᒃ ᑎᑎᕋᖅᑕᐅᓂᖓᑕ − ᑕᐅᑐᒃᐸᕗᑦ ᑎᑎᕋᖅᑕᐅᓐᓂᑯᑦ ᐅᑭᐅᑦ 1938−ᒥᒃ 1938−ᒧᑦ.
ᐃᓕᓐᓂᐊᓚᐅᖅᑕ ᖃᓄᖅ ᐅᖃᓕᒫᕐᓂᐊᒪᖔᑉᑎᒎ ᑕᐅᑐᒡᓗᒍ ᑎᑎᕋᖅᑕᐅᓐᓂᑯ ᐃᓕᓐᓂᐊᕐᕕᖕᒥ ᐊᖏᕋᕆᔭᐅᔪᒥ ᑳᒻᓗᑉ ᐳᕆᑎᔅ ᑲᓚᒻᐱᐊᒥ ᒪᔨ 31, 1947. ᐱᐊᓚᓂᖅᓴᐅᕗᖅ ᓇᓂᒋᐊᕐᓗᒍ ᕿᓂᕐᓗᒍ R00002084 ᐅᕙᓂ NCTR ᐱᑐᖃᖃᕐᕕᖓᓂ.
ᐅᑭᐅᖅ ᓯᑕᒪᐃᕐᓗᒍ ᑎᑎᕋᖅᑕᐅᕙᒃᑐᑦ ᓯᕗᓂᖓᓂ ᖃᓄᖅ ᑕᑕᑎᖅᑕᐅᓇᔭᕐᒪᖔᑖ ᑎᑎᕋᖅᓯᒪᔪᑦ ᐃᓕᓐᓂᐊᕐᕕᖕᓂ ᐊᖏᕋᕆᔭᐅᔪᓂ ᐱᓕᕆᔨ ᖃᐅᔨᒪᓂᐊᕐᒪᑕ ᑕᑕᑎᕆᓂᕐᒥᒃ. ᐃᓕᓐᓂᐊᕐᕕᐅᑉ ᐊᑎᖓ ᐃᓕᓯᒪᖃᑕᐅᑉᓗᓂ, ᐅᑉᓗᖅ ᑎᑎᕋᖅᑕᐅᓂᖓ, ᖃᖓᓪᓗ ᑎᑎᕋᖅ ᐱᐊᓂᒃᑕᐅᓂᕐᒪᖔᑦ, ᐊᑎᖓᓪᓗ ᓄᓇᖃᖄᑐᓕᕆᔨᐅᑉ ᑐᓂᔭᐅᔫᑉ, ᐅᑉᓗᖅ ᐊᒻᒪᓪᓗ ᓇᓂ ᑐᓂᔭᐅᓐᓂᕐᒪᖔᑦ.
ᑕᐃᒪᓕᕐᓂᖅᖢᓂ, ᑕᒡᕙᓂ ᑎᑎᕋᒐᐅᔪᒥ, ᐃᓕᓐᓂᐊᖅᑎᑦᓯᔨᑦ ᐃᓱᒪᑕᖓᑦᑕ ᑎᑎᕋᖅ ᑕᑕᑎᕐᓂᖏᒻᒪᒍ ᒪᔨ 31, 1947. ᑎᑎᖃᑉ ᓯᕗᓪᓕᖅᐹᖓ ᑎᑎᕋᖅᓯᒪᖏᑦᑐ!
ᐃᓕᓐᓂᐊᖅᑎᑦᓯᔨᑦ ᐃᓱᒪᑕᖓᑦᑕ ᑎᑎᕋᓚᐅᕐᓂᒑ ᐅᑭᐅᖅ ᓯᑕᒪᐃᕐᓗᒋᒃ ᑎᑎᕋᒐᐅᔭᕆᐊᒡᓕᑦ ᓯᑎᐱᕆ 31, 1947, ᓇᓂᔭᐅᑉᓗᓂ R00002087−ᒥ. ᐃᓕᓐᓂᐊᖅᑎᒃᓯᔨ ᐃᓱᒪᑕᖓᑦ F.O. ᒍᕆᑎ ᐃᒃᓯᕋᕐᔪᐊᖅ ᑕᑕᑎᓚᐅᕐᓂᖔ ᐅᑐᐱᕆ 4, 1947, ᖃᐅᔨᓴᒐᐅᑉᓗᓂ ᒐᕙᒪᑐᖃᑯᓐᓂ ᐱᓕᕆᔨᒧᑦ ᐅᑐᐱᕆ 7, ᐊᒻᒪᓪᓗ ᖃᐅᔨᓴᒐᐅᑉᓗᓂ ᒐᕙᒪᑐᖃᑯᓐᓄᑦ ᐅᑐᐱᕆ 14.
ᐃᖃᐃᑎᑦᓯᒋᐊᕈᑦ ᐅᑭᐅᖅ ᓯᑕᒪᐃᕐᓗᑎᒃ ᑎᑎᕋᖅᑕᐅᔭᕆᐊᓖᑦ ᐃᓪᓗᓕᖃᖅᐳᑦ ᐃᓕᓐᓂᐊᓚᐅᖅᑐᓂᒃ ᐅᑭᐅ ᐃᓪᓗᐊᓂ. ᑖᑯᐊ ᑎᑎᕋᖅᓯᒪᔪᑦ ᐃᓕᓐᓂᐊᖅᑐᑦ ᐊᑎᖏᓐᓂᒃ ᐊᒻᒪᓪᓗ ᓈᓴᐅᑎᖏᓐᓂᒃ, ᐅᑭᐅᖏᓐᓂᒃ, ᓱᓇᐅᖕᒪᖔᑖ, ᓄᓇᒋᔭᖏᑦ ᐊᒻᒪᓪᓗ ᖃᑉᓯ ᐅᑉᓗᑦ ᐃᓚᐅᓂᕐᒪᖔᑖ, ᐅᑉᓗᖅ ᐃᓕᓐᓂᐊᕕᖕᒧᑦ ᐃᑎᕐᓂᖓ, ᖃᑉᓯᑦ ᐅᑉᓗᑦ ᐃᓕᓐᓂᐊᕐᒪᖔᑦ, ᐃᓕᓐᓂᐊᕐᕕᖕᒦᓂᖓ, ᐊᒻᒪᓪᓗ ᖃᓄᖅ ᐱᕙᓕᐊᓂᖏ ᑎᑎᕋᒐᐅᑉᓗᑎᒃ ᐊᒻᒪᓪᓗ ᓱᖕᒪᑦ ᐃᓕᓐᓂᐊᖏᓚᐅᕐᒪᖔᑖ.
ᑎᑎᕋᖅᓯᒪᔪᖅ ᓯᕗᓪᓕᖅ − ᓈᓴᐅᑖ
ᐃᓕᓐᓂᐊᖅᑐᑦ ᑕᐃᔭᐅᕙᓚᐅᖅᑐᑦ ᐃᓕᓐᓂᐊᕐᕕᖕᒥ ᓈᓴᐅᑕᐃᑎᒍᑦ ᐊᑎᖏᑎᒎᖏᑐᖅ. ᓈᓴᐅᑎᖏᑦ ᐃᓕᔭᐅᕙᓚᐅᖅᑐᑦ ᐱᖁᑎᖏᓐᓄᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑎᓂᓪᓗᒋᑦ ᐅᑯᐊᑐᑦ ᐊᓐᓄᕌᖏᓐᓂ, ᕿᐱᖏᓐᓂ, ᐊᒻᒪᓪᓗ ᐃᕐᒥᒍᑎᖏᓐᓂ. ᓈᓴᐅᑎᑦ ᓄᑖᑦ ᑐᓂᔭᐅᕙᓚᐅᖅᐳᑦ ᐃᓕᓐᓂᐊᖅᑐᓄᑦ ᐃᓕᓐᓂᐊᕕᖕᒧᑦ ᐃᑎᕌᖓᑕ ᐊᕕᒃᑎᑕᐅᑉᓗᑎᒃ ᐊᖑᑕᐅᓂᖏᑦ ᐊᕐᓇᐅᓂᖏᓪᓗ.
ᐊᑎᖏᑦ ᐃᓅᓱᒃᑐᐃ ᐊᒻᒪᓪᓗ ᓂᕕᐊᖅᓯᐊᑦ ᐃᓕᐅᖃᖅᑕᐅᑉᓗᑎᒃ ᖃᖓ ᐃᓕᓐᓂᐊᕐᕕᖕᒧᑦ ᐃᑎᓪᓚᐅᕐᒪᖔᑦ. ᓂᐱᐊᖅᓯᐊᑦ ᓈᓴᐅᑎᖏᑦ ᐱᒋᐊᕐᓂᖃᖅᑐᑦ “0” ᐊᒪᓪᓗ ᐃᓅᓱᒃᑐᑦ ᓈᓴᐅᑎᖏᑦ ᐱᖃᖏᑦᖢᑎᒃ. ᐃᓕᓐᓂᐊᕆᐊᓕᓵᑦ ᐃᓕᔭᐅᔪᓪᓗᐊᖅᑐᑦ ᑎᑎᕋᕆᐊᓕᖏᓄᑦ ᐅᑭᐅᖅ ᓯᑕᒪᐃᕐᑕᕐᓗᑎᒃ ᖃᖓᒥᐊᖅ ᑎᑭᓯᒪᓕᕌᖓᑕ.
ᐅᓇᑐᑦ:
ᓂᕕᐊᖅᓯᐊᑦ/ᐃᓅᓱᒃᑐᐃᑦ ᐊᑎᖏᑦ
ᑐᒡᓕᐊ ᑎᑎᕋᖅᓯᒪᔪᕐ − ᐊᑎᖓ
ᐃᓕᓐᓂᐊᖅᑐᑦ ᐊᑎᖏᑦ ᐊᓯᐊᖑᖅᑕᖅᖢᑎᒃ ᐅᑭᐅ ᑕᒫᑦ ᐅᑉᕙᓘᓐᓃᑦ ᑎᑎᕋᖅᑕᐅᓯᒪᔪᑦ ᑎᑎᕋᒐᐅᔭᕌᖓᑕ ᐱᔪᑕᐅᑉᓗᓂ ᑭᓇ ᑕᑕᑎᕆᖕᒪᖔᑦ. ᐊᒥᓱᓂᒃ ᑎᑎᕋᖅᓯᒪᔪᓪᓗᐊᖅᑐᑦ ᐃᓕᓐᓂᐊᖅᑐᑉ ᐊᑎᖓ ᐅᓇ ᐱᔪᑎᒋᑉᓗᒍ, ᐊᑎᓪᓗᐊᕕᐊ ᐅᑉᕙᓘᓐᓃᑦ ᐊᑖᑕᖓᑕ ᐊᑎᖓ ᐊᑐᖅᑎᑕᐅᒃᐸᑦ, ᐃᑉᕙᓘᕙ ᐊᑎᑐᖄᓂᒃ ᐊᑐᖅᑎᑕᐅᓐᓂᖅᐸᑦ. ᐃᓕᖁᓯᑯᑦ ᐊᑎᕆᔭᐅᔪᑦ ᐊᒥᓲᓂᖅᓴᐅᕙᓚᐅᖅᐳᑦ ᓯᕗᓪᓕᕐᓂ ᑎᑎᖃᓂ ᐊᒻᒪᓪᓗ ᐃᓕᓐᓂᐊᕐᕕᖕᓂ ᐅᑭᐅᖅᑕᖅᑐᒥ.
ᐱᖓᔪᐊᑦ ᑎᑎᕋᖅᓯᒪᔪᕐ − ᐅᑭᐅᖓ
1920−ᒥ ᐱᖁᔭᕐᔪᐊᖅ ᒐᕙᒪᑐᖃᑯᓐᓂ ᐊᓯᐊᖑᒐᐅᓚᐅᕐᒪᑦ ᐃᓕᓐᓂᐊᕐᕖ ᐊᖏᕋᕆᔭᐅᔪᑦ ᐱᔪᑎᒋᑉᓗᒋᑦ, ᐅᑉᕙᓘᓐᓃᑦ ᐅᑉᓗᑯ ᐃᓕᓐᓂᐊᕐᕖᑦ ᐊᑐᒐᐅᖁᓕᖅᖢᒋᑦ ᓄᓇᖃᖄᖅᓯᒪᔪᑦ ᓄᑕᕋᖏᓐᓄᑦ ᐅᑭᐅᓕᖕᓄᑦ 7 ᐊᒻᒪᓗ 15 ᐊᑯᓐᓂᖓᓂ. ᐃᓕᓐᓂᐊᕕᖕᓂ ᐊᓂᑕᐅᓂᖅ 16−ᖑᓕᕌᖓᑕ ᐃᓕᔭᐅᓚᐅᖅᐳᖅ 1930−ᒥ ᐱᖁᔭᓂ ᐊᓪᓚᓕᕆᓂᕐᒥ.
ᐅᑭᐅᖅ ᓯᑕᒪᐃᕐᓗᑎᒃ ᑎᑎᖃᓂ ᖃᐅᔨᓐᓇᓚᐅᖅᑐᖅ ᓄᑕᖃᖅ ᐅᕿᐅᖏᑦ ᒪᑯᖕᓂᖅᓴᐅᓚᐅᕐᒪᑕ ᐊᒻᒪᓪᓗ ᐅᑭᐅᖏᑦ ᐊᒥᓲᓂᖅᓴᐅᑉᓗᑎᒃ. ᑕᒪᓇ ᐱᔪᑎᖃᖅᑑᓪᓗᐊᖅᑐᖅ ᐊᒥᓱᓂᒃ ᐃᒻᒪᖄ ᐊᓐᓂᐊᕐᓂᕐᒧᑦ ᐅᑉᕙᓘᓐᓃᑦ ᑐᖁᓂᕐᒧᑦ ᐊᐃᓯᒪᑉᓗᓂ ᐅᑉᕙᓘᓐᓃᑦ ᐅᑭᐅᕆᐊᖕᓂᖅᓴᐃᑦ ᖁᑦᓯᖕᓂᖅᓴᒧᑦ ᐃᓕᓐᓂᐊᕐᓂᖏᓐᓄᑦ ᐅᑉᕙᓘᓐᓃᑦ ᓄᓇᓕᖕᒥ ᐃᓕᓐᓂᐊᖅᖢᑎᒃ ᐃᓕᓐᓂᐊᕐᕕᖕᒥ ᐊᖏᕋᕆᔭᐅᔪᒥ ᐅᕙᒍᖃᖅᖢᑎᒃ.
ᐅᓇᑐᑦ:
ᕈᔅ ᓚᕈ, ᐃᓕᓐᓂᐊᕐᕕᖕᒥ ᓈᓴᐅᑖ 0857, ᓄᓇᖃᖅᑐᖅ ᑲᒻᓗᑉᔅᒥ ᐅᑭᐅᖃᓚᐅᖅᑐᖅ ᑕᓪᓕᒪᓂᒃ ᒪᔨ 31, 1947. ᐃᓕᓐᓂᐊᕆᐊᓕᓚᐅᖅᑐᖅ ᓯᑎᐱᕆ 1, 1946. ᐃᓕᓐᓂᐊᕈᑎᖏᑦ ᓈᓴᐅᑎᖃᖅᖢᑎᒃ 1, ᐱᓕᕆᑎᑕᐅᑕᖏᑐᖅ.
ᐊᒐᔅᑦ ᒍᑦ, ᐃᓕᓐᓂᐊᕐᕕᖕᒥ ᓈᓴᐅᑖ 616, ᓄᓇᖃᖅᑐᖅ ᑲᒻᓗᑉᔅᒥ ᐅᑭᐅᖃᓚᐅᖅᑐᖅ 17−ᓂᒃ ᒪᔨ 31, 1947. ᐃᓕᓐᓂᐊᕐᕕᖕᒧᑦ ᑎᑭᓚᐅᖅᑐᖅ ᓯᑎᐱᕆ 1, 1939, ᐃᓕᓐᓂᐊᓚᐅᖅᖢᓂ ᐅᑭᐅᓂᒃ 8-ᓂᒃ. ᐃᓕᓐᓂᐊᕐᓂᖓ 8−ᓂᒃ ᖁᑦᓯᖕᓂᖃᓚᐅᖅᑐᖅ ᐊᒻᒪᓪᓗ ᐃᑲᕋᓂᒃ 360 ᐱᓕᕆᓱᖅᓴᕕᖕᒥ ᐃᒻᒧᓕᐅᕐᕕᖕᒥ ᐊᒻᒪᓪᓗ ᐱᓕᕆᓱᖅᓴᕕᖕᒥ ᐃᓕᓐᓂᐊᖅᖢᓂ.
ᐃᓕᓐᓂᐊᖅᑐᖅ ᐅᑭᐅᓕᒃ 7 ᒥᒃᓵᓂ
ᐃᓕᓐᓂᐊᖅᑐᖅ ᐅᑭᐅᓕ 16 ᐅᖓᑖᓂ
ᐱᖓᔪᐊᑦ ᑎᑎᕋᖅᓯᒪᔪᕐ − ᐅᑭᐅᖓ
ᑎᑎᕋᖅᓯᒪᔪᑦ ᐃᓕᓐᓂᐊᖅᑐᑦ ᓱᓇᐅᓂᖏᑦ, ᐊᕐᓚᐅᖕᒪᖔᑕ ᐅᑉᕙᓗ ᐊᖑᑕᐅᖕᒪᖔᑖ.
ᑕᓪᓕᒫᑦ ᑎᑎᖃᖅ − ᐃᓄᖃᑎᖕ ᐅᑉᕙᓘᓐᓃᑦ ᓄᓇᖃᑎᒌᑦ ᓈᓴᐅᑎᖏᑦ
ᑎᑎᖃᑦ ᐅᑭᐅᖅ ᓯᑕᒪᐃᕐᓗᑎᒃ ᑎᑎᕋᖅᑕᐅᓐᓂᑯᑦ ᑎᑎᖃᖅᓯᒪᑉᓗᑎᒃ ᓄᓇᖏᓐᓂᒃ ᐃᓕᓐᓂᐊᖅᑐᑦ, ᑭᓯᐊᓂ, ᐃᓛᓂᑯᑦ ᑎᑎᕋᖅᓯᒪᑕᓪᓚᐅᖏᑐᑦ ᐅᑉᕙᓪᓘᓐᓃᑦ ᐱᓕᕆᔨᑦ ᐊᓯᐊᒍᑦ ᓇᓗᓇᐃᑯᑕᖃᖅᑕᖅᖢᑎᒃ, ᐅᓇᓕᐅᓂᖓᑕ ᓈᓴᐅᑕᓂᒃ, ᑎᑎᕋᕌᖓᒥᒃ ᐃᓕᓐᓂᐊᖅᑑᑉ ᓄᓇᖓᓂᒃ.
ᖃᐅᔨᑕᕐᓂᐊᖅᑐᑎᒃ ᓄᓇᓕᐅᔪᑦ ᐃᓚᖏᑦ ᐱᑕᖃᖏᓕᕐᒪᑦ ᐱᔪᑕᐅᑉᓗᓂ ᓄᓇᖃᖅᖄᑐᓂᒃ ᐊᓯᐊᖑᖅᑎᑦᓯᓂᓗᖕᓂᖅ ᐱᔪᑕᐅᑉᓗᓂ, ᐅᓇᑎᑐᑦ ᓴᐃᑦ ᐱᑐᓯ ᒪᓂᑑᒪᒥ, ᓄᓇᐅᔪᖕᓃᖅᑎᑕᐅᓚᐅᖅᑐᖅ 1908−ᒥ ᑲᓇᑕᐅᑉ ᒐᕙᒪᑯᖕᓐᓄᑦ. ᓄᓇᖃᑎᒌᑦ ᓅᑎᑕᐅᓚᐅᖅᑐᑦ ᐅᐊᖕᓇᖓᓄᒃ ᑕᓯᐅᑉ ᕕᓂᐲᒃ ᐊᒻᒪᓪᓗ ᐊᑎᖃᓕᖅᖢᓂ ᐱᒍᐃᔅ ᓄᓇᖃᖄᑐᓂᒃ.
ᐅᓇᑐᑦ:
ᓄᓇᓕᒃ ᓱᑕᐃᕈᑎᔪᖅ
ᐊᓯᐊᓂᒃ ᓇᓗᓇᐃᖅᓯᔪᒥᒃ ᓇᓃᓂᖓᓂᒃ ᑎᑎᕋᕐᓂᖅ
ᐃᓕᓐᓂᐊᕐᕕᒃ ᐊᖏᕋᕆᔭᐅᔪᖅ, ᐊᐅᓪᐳᑕᒥ.
6 ᐊᒻᒪᓗ 7 − ᐃᓕᓐᓂᐊᕐᓂᖓ ᐊᒻᒪᓪᓗ ᐃᓕᓐᓂᐊᕐᓂᖓ ᖃᓄᐃᒻᒪᖔᑦ
ᐅᑭᐅᖅ ᓯᑕᒪᕐᓗᒍ ᑎᑎᕋᒐᐅᕙᒃᑐᑦ ᑎᑎᕋᖅᓯᒪᑕᖅᑐᑦ ᐃᓕᓐᓂᐊᖅᑐᑦ ᐃᓕᓐᓂᐊᕐᓂᖏᑕ ᖁᑦᓯᖕᓂᖏᓐᓂᒃ, ᖁᑦᓯᖕᓃᑦ 1- ᒥᑦ 8−ᒧᑦ ᐊᒻᒪᓪᓗ ᐃᓕᓐᓂᐊᕕᖕᓂ ᖁᑦᓯᖕᓂᖅᓴᕐᓂ. ᐊᒥᓱᖅ ᐃᓕᓐᓂᐊᕐᕖ ᐊᖏᕋᕆᔭᐅᔪᑦ ᐃᓕᓐᓂᐊᖅᑎᑦᓯᑕᓚᐅᖏᒻᒪᑕ ᖁᑦᓯᖕᓂᖅᓴᓂ ᐃᓕᓐᓂᐊᕈᑎᓂᒃ ᑭᓯᐊᓂ ᐅᖓᑕᕐᔪᖃᕐᓂᖅ ᑐᒡᓕᐊ ᐱᐊᓂᖕᒪᑦ ᐱᒋᐊᕐᒪᑕ 1950 ᐱᖁᔭᖅ ᓄᓇᖃᖄᑐᓕᕆᓂᕐᒧᑦ ᐊᓯᐊᖑᒐᖑᑉᒪᑦ 1953−ᒥ.
ᑕᑯᐊ ᐊᓯᐊᖑᕆᐊᖅᑐᑦ ᐃᓪᓗᓕᖃᓚᐅᖅᑐᑦ ᐃᓕᓐᓂᐊᕐᕕᑦ ᐊᖏᕋᕆᔭᐅᑉᓗᑎᒃ ᐊᕕᒃᑐᖅᓯᒪᔪᑦ ᐃᓕᓐᓂᐊᕈᑎᖏᓐᓂᒃ ᐊᒻᒪᓪᓗ ᐃᓕᓐᓂᐊᕈᑎᓂᒃ ᐊᑐᖁᔭᐅᑉᓗᑎᒃ ᐊᒻᒪᓪᓗ ᐃᓕᓐᓂᐊᖅᑐᑦ ᑐᓂᔭᐅᓪᓗᑎᒃ ᓇᓕᐅᑎᓪᓗᒋᑦ ᐃᓕᓐᓂᐊᖅᑎᑕᐅᓂᖏᑦ ᐃᓕᓐᓂᐊᕐᕕᖕᓂ.
ᐃᓕᓐᓂᐊᕈᑎᒃ ᖃᐅᔨᓴᕈᑎᒃ ᐅᑉᕙᓘᓐᓃᑦ ᓇᓃᒪᖔᑦ ᐃᓕᓐᓂᐊᕈᑎᖏᓐᓂ, ᑎᑎᕋᖅᑕᐅᑉᓗᑎᒃ ᐃᓕᓐᓂᐊᖅᑐᑦ ᐱᓕᕆᐊᖏᑦ ᒪᓕᒡᓗᒋᑦ. ᑎᑎᕋᖅᑕᐅᑉᑕᖅᖢᑎᒃ ᐱᐅᒻᒪᕆᑐᖅ, ᐱᐅᔪᖅ, ᓈᒪᒥᐊᖅᑐᖅ, ᐊᒻᒪᓪᓗ ᓱᐃᓐᓇᖅ.
ᒪᔨ 31, 1947 ᑎᑎᕋᕐᓂᑯ ᓇᓗᓇᐃᔭᐃᓯᒪᖏᑎᓪᓗᒍ ᐃᓕᓐᓂᐊᕐᓂᑯᓂᑦ ᖁᑦᓯᖕᓂᖅᓴᓂᒃ, ᑎᑎᖃᖅ ᓇᓗᓇᐃᖅᓯᓯᒪᕗᖅ ᐃᓕᓐᓂᐊᖅᑐᖅᑕᖃᓚᐅᕐᒪᑦ ᐃᓕᓐᓂᐊᖅᑐᓂᒃ 1−ᒥ 8−ᒧᑦ ᖁᑦᓯᖕᓂᓕᖕᓂᒃ ᐊᒻᒪᓪᓗ ᐃᓕᓐᓂᐊᕕᒃ ᖁᑦᓯᖕᓂᖅᓴᓄᑦ ᑳᒻᓗᑉᔅᒥ.
8 ᐊᒻᒪ 9 − ᐱᓕᕆᓱᖅᓴᓂᖅ ᐊᒻᒪᓪᓗ ᐊᓯᖏᑦ ᐃᓕᓐᓂᐊᒐᒃᓴᑦ ᐃᑲᕋᑦ ᐃᓕᓐᓂᐊᕐᓂᑯᑦ
ᐃᓕᓐᓂᐊᕖᑦ ᐊᖏᒐᐅᓯᒪᖏᑐᓂᒃ ᐅᑉᓗᖅ ᓇᐹᓂᒃ ᐃᓕᓐᓂᐊᖅᑎᑦᓯᑕᓚᐅᖅᑐᑦ 1950 ᑎᑭᓪᓗᒍ ᐃᓕᓐᓂᐊᖅᑐᑦ ᐃᓕᓐᓂᐊᕈᑎᓂᒃ ᐃᓕᓐᓂᐊᖅᖢᑎᒃ ᐅᑉᓗᖅ ᓇᐸᖓᓂ ᐊᒻᒪᓪᓗ ᓇᐸᖓᓂᒃ ᐱᓕᕆᓂᕐᒧᑦ ᐃᓕᓐᓂᐊᖅᖢᑎᒃ. ᑕᒻᒪᓇ ᓄᖃᖅᑎᑕᐅᓚᐅᖅᑐᖅ 1953−ᒥ ᒪᓕᒐᐃ ᐊᓯᐊᖑᕐᒪᑕ ᓄᓇᖃᖅᖄᑐᓕᓂᕐᒧᑦ.
ᐱᓕᕆᐊᖅ ᓇᓗᓇᐃᔭᖅᓯᒪᑕᓚᐅᖅᑐᖅ ᓂᕕᐊᖅᓯᐊᑦ “ᓱᓇᑐᐃᓐᓇᓂᒃ ᐃᓕᓐᓂᐊᕐᓂᒥᒃ” ᐃᓕᓐᓂᐊᖅᑎᑕᐅᑉᓗᑎᒃ ᐅᑯᐊᑐᑦ ᐃᒐᓂᕐᒥᒃ, ᐊᓄᕌᓂᒃ ᐃᕐᒥᖕᓂᕐᒥᒃ, ᐊᒻᒪᓪᓗ ᐃᓘᒥ ᓴᓗᒪᖅᓴᕐᓂᕐᒥᒃ. ᐃᓅᓱᒃᑐᐃᑦ ᐃᓕᓐᓂᐊᖅᑎᑕᐅᑉᓗᑎᒃ ᓯᓚᒥ ᐱᓕᕆᓂᕐᒥᒃ ᐅᑯᐊᑯᑦ ᐱᕈᑦᓰᕕᓕᕆᓂᕐᒥᒃ ᐊᒻᒪᓪᓗ ᓂᕐᔪᑎᓂᒃ ᐱᓕᕆᐊᖃᕐᓂᕐᒥᒃ, ᑲᒫᓗᓕᐅᕐᓂᕐᒥᒃ, ᐊᓐᓄᕌᓕᐅᕐᓂᕐᒥᒃ, ᕿᔪᓕᕆᓂᕐᒥᒃ, ᒥᑭᔪᓂᒃ ᐃᑯᒪᓕᕆᓂᕐᒥᒃ.
ᐅᑉᓗᓂᒃ 90 ᐃᓪᓗᓕᖃᖅᐳᖅ ᔭᓄᐊᕆ 1 ᐊᒻᒪᓪᓗ ᒪᔨ 31, 1947 ᐊᑯᓐᓂᖓᓂ. ᐃᓅᓱᒃᑐᐃᑦ ᐱᓕᕆᓯᒪᔪᒃ ᐃᑲᕋᓂᒃ 360−ᓂ ᐱᓕᕆᑐᓚᐅᖅᐳᑦ ᐃᑲᕋᓂᕐ ᓯᑕᒪᓂᒃ ᐅᑉᓗ ᑕᒫᑦ. ᓂᕕᐊᖅᓯᐊᑦ ᐱᓕᕆᓯᒪᔪᑦ 270−ᓂᒃ ᐃᑲᕋᓂᒃ ᐱᓕᕆᑕᕐᖢᑎᒃ ᐃᑲᕋᓂᕐ ᐱᖓᓱᓂᒃ ᐊᒻᒪᓪᓗ ᑕᐃᑯᐊ 90−ᓂᒃ ᐃᑲᕋᓂᒃ ᐱᓕᕆᓯᒪᑉᓗᑎᒃ ᐱᔭᕆᐊᖃᑲᒥᖕᓂᒃ.
ᐅᓇᑐᑦ:
ᓂᕆᐊᖅᓯᐊᑎ ᐱᓕᕆᐊᖏᑦ/ᐃᓅᓱᒃᑐᐃᑦ ᐱᓕᕆᐊᖏᑦ
ᑎᑎᖃᑦ 10 ᐊᒻᒪᓗ 11 − ᐃᓕᓐᓂᐊᕐᕕᖕᒧᑦ ᐃᑎᕐᓂᖓ ᐃᓕᓐᓂᐊᕐᕆᐊᖅᑕᕐᓂᖓᓪᓗ
ᓯᕗᓕᖅ ᑕᒡᕙᓂ ᑎᑎᕋᖅᓯᒪᕗᖅ ᐃᓕᓐᓂᐊᖅᑐᑦ ᐃᓕᓐᓂᐊᕆᐊᕐᓂᖓᓐᓂᒃ ᑎᑎᕋᖅᓯᒪᔪᑦ ᑖᑉᓱᒪ ᐊᑖᓂ ᖃᐅᔨᒪᔪᑕᐅᕗᑦ ᖃᑉᓯᓂ ᐅᑉᓗᓂᒃ ᐃᓕᓐᓂᐊᓚᐅᕐᒪᖔᑦ ᐃᓕᓐᓂᐊᕐᕕᖕᒥ ᐊᖏᕋᕆᔭᐅᔪᒥ ᐊᒻᒪᓪᓗ ᓴᓂᐊᓂ ᑎᑎᕋᖅᓯᒪᑉᓗᓂ ᖃᑉᓯᓂᒃ ᐃᑲᕋᓂᒃ ᐃᓕᓐᓂᐊᕐᕕᖕᒥ ᐃᓕᓐᓂᐊᓚᐅᕐᓂᒪᖔᑦ.
ᐃᓛᓂᑯᑦ ᐃᓕᓐᓂᐊᖅᑐᑦ ᐊᐃᑎᐅᕙᒃᖢᑎᒃ ᐊᐅᔭᑯᓪᓂᓗ ᐅᑭᐅᑯᓪᓗ ᐊᒻᒪᓪᓗ ᐃᓚᖏᑦ ᐊᐃᖏᑦᖢᑎᒃ ᐱᐊᓂᑳᖓᑕ ᐃᓕᓐᓂᐊᕐᓂᕐᒥᒃ; ᐃᓕᓐᓂᐊᖅᑐᑦ ᑭᖑᕙᖅᖢᑎᑦ ᐅᑎᕌᖓᑕ ᐃᓕᓐᓂᐊᕐᕕᖕᒧᑦ, ᕼᐊᓚᑎᕐᓇᐅᓕᕌᖓ ᐊᐃᑎᑕᐅᕙᖏᑦᖢᑎᒃ.
ᐅᓇᑐᑦ:
ᒪᔨ 31, 1947, ᑎᑎᖃᖅ ᓯᑕᒪᐃᖅᖢᓂ ᐅᑭᐅᖅ ᑎᑎᕋᒐᐅᕙᒃᑐᖅ, ᐃᓕᓐᓂᐊᖅᑐᖅ ᐃᓕᓐᓂᐊᕐᕕᖕᒥ ᐊᖏᕋᕆᔭᐅᔪᒥ ᐃᖢᑎᒃ 90 ᐅᑉᓗᑦ ᐊᒻᒪᓪᓗ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᖢᑎᒃ ᐅᑉᓗᓂᒃ 62−ᓂᒃ. ᓯᑎᐱᕆ 31, 1947, ᑎᑎᖃᖅ ᓯᑕᒪᐃᖅᖢᓂ ᐅᑭᐅᖅ ᑎᑎᕋᒐᐅᕙᑦᑐᖅ, ᐃᓱᒪᖕᓇᖅᐳᖅ ᐃᓕᓐᓂᐊᕐᓃᑦ ᓄᖃᖅᑎᑕᐅᓯᒪᓚᐅᐸᖕᓂᖏᓐᓂᒃ ᐊᐅᔭᑯᑦ ᔪᓚᐃ ᐊᒻᒪᓪᓗ ᐊᒡᒐᔅᒥ ᐱᒋᐊᓕᕐᒥᖢᑎᒃ ᓯᑎᐱᕆ 1. ᑕᐃᒪ ᓯᑎᐱᕆ ᑎᑎᕋᖅᑕᐅᓂᑯᑦ ᑎᑎᕋᖅᑕᐅᖕᒪᑕ, ᐃᓕᓐᓂᐊᖅᑐᑦ ᐃᓕᓐᓂᐊᕐᕕᖕᒥᓯᐅᖅᖢᑎᒃ ᐊᖏᕋᕆᔭᐅᔪᒥ ᐅᑉᓗᓂᒃ 92−ᓂ ᑭᓯᐊᓂ ᐃᓕᓐᓂᐊᖅᖢᑎᒃ ᐅᑉᓗᓂ 17−ᖏᓇᕐᓂᒃ.
1947 ᒪᔨ ᐅᑎᕐᑦᑐᑦ/1947 ᓯᑎᐱᕆ ᐅᑎᖅᑐᑦ
ᑎᑎᖃᖅ 12 − ᐅᖃᐅᓯᐅᔪᑦ ᑎᑎᕋᖅᓯᒪᔪᑦ, ᓱᖕᒪᑦ ᐃᓕᓐᓂᐊᖏᒻᒪᖔᑦ
ᑖᒻᓇ ᑎᑎᕋᕐᕕ ᑭᖑᓕᖅᐸᖅ ᐅᑭᐅᖅ ᓯᑕᒪᐃᖅᖢᒍ ᑎᑎᕋᒐᐅᕙᒃᑐᓂ ᐊᒻᒪᓪᓗ ᑎᑎᕋᖅᓯᒪᑉᓗᓂ ᐱᕙᓪᓕᐊᓂᖏᓐᓂᒃ, ᓱᖕᒪᑦ ᐃᓕᓐᓂᐊᓚᐅᖏᒻᒪᖔᑖ, ᐅᑉᓗᑦ ᐃᓕᓐᓂᐊᖏᓐᓂᖏᑦ, ᐊᖏᒐᐅᓯᒪᓂᕐᒪᖔᑖ ᐅᑉᕙᓘᕙ ᐊᖏᒐᐅᓯᒪᖏᓂᕐᒪᖔᑖ.
ᑖᒻᓇ ᑎᑎᕋᖅᓯᒪᑉᓗᓂ ᐃᓕᓐᓂᐊᖅᑐᖅ ᑭᖑᕙᖅᖢᓂ ᐃᓕᓐᓂᐊᕆᐊᕐᓂᕐᒫᖔᑦ, ᕿᒪᓚᐅᕐᓂᒪᖔᑦ, ᐊᓐᓂᐊᕐᓂᕐᒪᖔᑦ ᐅᑉᕙᓘᕙ ᐊᓂᐊᕐᓂᕐᒧᑦ ᐊᐅᓚᖅᑎᑕᐅᓂᕐᒪᖔᑦ, ᑐᖁᓐᓂᕐᒪᖔᓪᓘᓃᑦ. ᑎᑎᕋᖅᓯᒪᑉᓗᓂᓗ ᐃᓕᓐᓂᐊᖅᑐᖅ ᐃᓕᓐᓂᐊᕕᖕᒥ ᐊᖏᕋᕆᔭᐅᔪᒥ ᐊᖏᕋᖃᕐᒪᖔᑦ ᐊᒻᒪᓪᓗ ᐃᓕᓐᓂᖃᖅᖢᓂ ᐊᓯᐊᓂ ᐅᑉᓗᑯᑦ ᐃᓕᓐᓂᐊᕐᕕᖕᒥ ᐅᑉᕙᓘᕙ ᓄᓇᓕᖕᒥ ᐃᓕᓐᓂᐊᕐᕕᖕᒥ. ᖃᐅᒪᔪᑎᒋᔭᕗᑦ ᖃᐅᐃᑐᓂᒃ ᐊᓐᓂᐊᖃᖅᑕᓚᐅᕐᒪᖔᑖ ᐃᓕᓐᓂᐊᕐᕕᖕᓂ ᐅᑉᕙᓘᕙ ᐃᓕᓐᓂᐊᖅᑐᖅ ᐳᕙᓪᓗᕕᖕᒧᑦ ᒪᒥᑦᓯᕆᐊᖅᑐᕐᓂᕐᒪᖔ ᐅᑉᕙᓘᕙ ᐊᓂᕐᓂᕐᒪᖔᑦ.
ᐅᓇᑐᑦ:
ᐳᓗᕋᓐᔅ ᓴᐃᒪᓐ, ᐃᓕᓐᓂᐊᖅᑐᖅ ᓈᓴᐅᑎᓪᓕᒃ 0711, ᐅᑭᐅᓕᒃ 14−ᓂᒃ ᐊᒻᒪᓪᓗ ᑎᑦᒫᓐᔅ ᑯᕇᒃᒥ ᓄᓇᖃᖅᖢᓂ, ᓯᑎᐱᕆ 31, 1947, ᑎᑎᕋᖅᑕᐅᓯᒪᔪᖅ. ᐃᓕᓐᓂᐊᕈᑎᖏᑦ ᖁᑦᓯᖕᓂᖃᖅᖢᑎᒃ 6-ᓂᒃ ᐃᓕᓐᓂᐊᕐᕕᖕᒧᑦ ᐃᑎᖅᑎᑕᐅᓂᖅᖢᓂ ᓯᑎᐱᕆ 1, 1939. ᐃᓕᓐᓂᐊᕕᖕᒥᓯᐅᓚᐅᖅᑐᖅ ᐅᑉᓗᓂᒃ 68−ᓂᒃ ᑭᓯᐊᓂ ᐃᓕᓐᓂᐊᕐᕕᖕᒥᒃ ᐊᓂᓐᓂᖅᖢᓂ ᐊᒻᒪᓪᓗ ᑭᒍᕙᖅᖢᓂ ᐃᓕᓐᓂᐊᕐᕕᖕᒧᑦ ᐅᑎᖅᖢᓂ.
ᑭᖑᕙᕐᓂᖅ
ᐅᓇᑐᑦ:
ᓗᐊᕆᓐᔅ ᒪᕐᓱ, ᐃᓕᓐᓂᐊᖅᑐᖅ ᓈᓴᐅᑎᓪᓕᒃ 613, ᐅᑭᐅᓕᒃ 14−ᓂᒃ ᐊᒻᒪᓪᓗ ᐊᑕᒻᔅ ᑕᓯᐊᓂ ᓄᓇᖃᖅᖢᓂ, ᓯᑎᐱᕆ 31, 1947, ᑎᑎᕋᖅᑕᐅᓯᒪᔪᖅ. ᐃᓕᓐᓂᐊᕈᑎᖏᑦ ᖁᑦᓯᖕᓂᖃᖅᖢᑎᒃ 6-ᓂᒃ ᐃᓕᓐᓂᐊᕐᕕᖕᒧᑦ ᐃᑎᖅᑎᑕᐅᓂᖅᖢᓂ ᔭᓄᐊᕆ 23, 1939. ᐃᓕᓐᓂᐊᕕᖕᒥ ᐊᖏᕋᕆᔭᐅᔪᒥ ᐃᓚᐅᖅᑑᓂᖅ 62−ᓂᒃ ᐅᑉᓗᓂᒃ ᐊᐅᔭᒥ ᑕᕿᓂ ᔪᓚᐃᒥ ᐊᒻᒪᓪᓗ ᐋᒐᔅᑦᒥ ᑭᓯᐊᓂ ᐊᓂᓐᓂᖅᖢᓂ ᓯᑎᐱᕆ 1, 1947, ᐊᒻᒪᓪᓗ ᐊᖏᒐᐅᓯᒪᖏᑦᖢᓂ ᐃᓕᓐᓂᐊᖏᓐᓂᖓ.
ᕿᒪᖕᓂᑯᑦ/ᐊᖏᒐᐅᓯᒪᖏᑦᑐᑦ ᐃᓕᓐᓂᐊᖏᓐᓃᑦ
ᐅᓇᑐᑦ:
ᐸᑎ ᓯᑐᓪᓕᖕ, ᐃᓕᓐᓂᐊᑐᖅ ᓈᓴᐅᑎᓕᒃ 612, ᐅᑭᐅᓕᒃ 16−ᓂᒃ ᓄᓇᖃᖅᖢᓂ ᐃᐅᓪ ᓂᑯᓚᒥ ᑎᑎᖃᓂ ᓯᑎᐱᕆ 31, 1947, ᐅᑭᐅᖅ ᓯᑕᒪᐃᖅᖢᒍ ᑎᑎᕋᖅᑕᐅᓂᑯᓂ. ᐃᓕᓐᓂᐊᕈᑎᖏᑦ ᖁᑦᓯᖕᓂᖃᖅᖢᑎᒃ ᐊᖏᓂᖅᓴᓂ ᐊᒻᒪᓪᓗ ᐃᓕᓐᓂᐊᕐᕕᖕᒧᑦ ᐃᑎᖅᑎᑕᐅᓂᖅᖢᓂ ᓄᕕᐱᕆ 28, 1938. ᐃᓕᓐᓂᐊᕕᖕᒥ ᐊᖏᕋᕆᔭᐅᔪᒥ ᐃᓚᐅᖅᑑᓂᖅ 62−ᓂᒃ ᐅᑉᓗᓂᒃ ᐊᐅᔭᒥ ᑕᕿᓂ ᔪᓚᐃᒥ ᐊᒻᒪᓪᓗ ᐋᒐᔅᑦᒥ ᑭᓯᐊᓂ ᐊᓂᓐᓂᖅᖢᓂ ᓯᑎᐱᕆ 1, 1947, ᐊᒻᒪᓪᓗ ᐊᖏᒐᐅᓯᒪᖏᑦᖢᓂ ᐃᓕᓐᓂᐊᖏᓐᓂᖓ.
ᐊᒐᖕᒧᑦ ᑎᑎᕋᖅᓯᒪᔪᑦ ‘D’ ᐃᓕᓐᓂᐊᖅᑑᑉ ᐊᑎᖓᑕ ᓴᓂᖓᒍᑦ ᑐᑭᓕᒃ ‘ᐊᓂᑎᑕᐅᔪᖅ’ ᐅᑉᕙᓘᓐᓃᑦ ‘ᑐᖁᔪᖅ’.
ᐊᓂᑕᐅᔪᖅ
ᑎᑎᕋᕐᓂᑯᑦ ᐃᓕᓐᓂᐊᖅᑐᑦ ᐅᓇᓖᑦ ᐊᓐᓂᐊᕐᕕᖓᓐᓄᑦ ᐅᑉᕙᓪᓘᓐᓃᑦ ᐳᕙᓗᕕᖕᒨᖅᑕᐅᓂᑯᑦ ᐅᖃᐅᓯᒪᔪᑦ ᑎᓯᒥᒃ ᐃᖢᐊᖅᓴᖅᑕᐅᓐᓂᑯᑦ ᐊᒻᒪᓪᓗ ᐅᖃᐅᓯᖃᕋᑎᒃ ᐊᓐᓂᐊᕐᓂᕐᓂᒃ ᐃᓕᓐᓂᐊᕐᕕᖕᓂ. ᐃᓕᓐᓂᐊᖅᑐᑦ ᖃᐅᔨᓇᖅᑐᓪᓗᐊᕐᓂᖏ ᐊᓂᐊᕐᓂᖏᓐᓂᑦ ᑕᑯᒃᓴᐅᖏᑐᑯᑦ ᐅᑯᐊᑐ, ᐳᕙᓪᓗᒃᖢᑎᒃ ᖃᐅᔨᒪᓇᖏᑐᖅ ᐊᓐᓂᐊᕐᓂᖃᕐᒪᑕ.
ᐅᓇᑐᑦ:
ᕙᐅᓪᑐ ᑖᒧᓯ, ᐃᓕᓐᓂᐊᖅᑐᖅ ᓈᓴᐅᑎᓕᒃ 784, ᐅᑭᐅᓕᒃ 11−ᓂᒃ ᐊᐅᓚᖅᑎᑕᐅᓚᐅᖅᑐᖅ ᐊᓐᓂᐊᕐᕕᖕᒧᑦ ᓴᐅᑎᔅ ᐊᓐᓂᐊᕕᖓᓄᑦ. ᕙᐅᓪᑐ ᓄᓇᖃᓚᐅᖅᑐᖅ ᑳᒻᓘᑉᔅᒥ ᐊᒻᒪᓪᓗ ᐃᓕᓐᓂᐊᕐᕕᖕᒧᑦ ᐊᖏᕋᕆᔭᐅᔪᒧᑦ ᑳᒻᓘᑉᔅᒥ ᐃᓕᔭᐅᑉᓗᓂ 1944.
ᓴᐅᑎᔅ ᐊᓂᐊᕕᖓ ᖃᐅᔨᒪᔭᐅᓚᐅᖅᑐᖅ ᐅᓇᓕᕐᓄᑦ ᑯᑭᓕᑦᔅᓴ ᐊᓂᐊᕐᕕᐊᓂᒃ ᐊᒻᒪᓪᓗ ᐃᓕᓐᓂᐊᕐᕕᐅᓚᐅᖅᖢᓂ ᑯᑭᓕᒃᔅᓴ ᐃᓕᓐᓂᐊᕐᕕᖕᒥᒃ ᐊᖏᕋᕆᔭᐅᔪᒥᒃ, ᐅᑯᐊᖅᑕᐅᑉᓗᓂ 1940. ᓴᐅᕐᑎᔅ ᐊᓐᓂᐊᕕᖓ ᐊᑐᒐᐅᑕᓚᐅᕐᒪᑦ ᓄᓇᖃᖄᓯᒪᔪᑦ ᐃᖢᐊᖅᓴᖅᑕᐅᔭᕌᖓᑕ.
ᐅᓇᑐᑦ:
ᒍᕐᑐᕈ ᒐᐃᒧᓯ, ᐃᓕᓐᓂᐊᖅᑐᖅ ᓈᓴᐅᑎᓂᓕᒃ 0836, 12−ᓂᒃ ᐅᑭᐅᖃᖅᖢᓂ ᐊᐅᓚᖅᑎᑕᐅᓚᐅᖅᑐᖅ ᓴᕐᑎᔅ ᐊᓐᓂᐊᕕᐊᓄᑦ ᐳᕙᓗᖕᒪᑦ ᑭᖑᓂᖓᒍ ᑐᖁᑉᓗᓂ. ᓄᓇᖃᓚᐅᖅᑐᖅ ᐳᕆᔾ ᕆᕗᕐ ᐊᒻᒪᓪᓗ ᐃᓕᓐᓂᐊᕐᕕᖕᒧᑦ ᐊᖏᕋᕆᔭᐅᔪᒧᑦ ᐊᐅᓚᖅᑎᑕᐅᑉᓗᓂ 1946.
